સિધ્ધપુર પોલીસે બિન્દુ સરોવર ત્રણ દરવાજા નજીકના રહેણાંક મકાન માંથી વિદેશી દારૂના જથ્થા સાથે બુટલેગર ને દબોચ્યો..

પોલીસે બોટલ ટીન નંગ- ૨૨૧ કિં.રૂ.૩૨,૩૭૩/-નો મુદામાલ પકડી કાયદેસર ની કાયૅવાહી હાથ ધરી..

પાટણ તા. ૧૫
સિધ્ધપુર પોલીસે બાતમી ના આધારે બિન્દુ સરોવર ત્રણ દરવાજા નજીક રહેણાંક મકાનમાંથી વિદેશી દારૂ બિયર ના જથ્થા સાથે બુટલેગર ને દબોચી કાયદેસર ની કાયૅવાહી હાથ ધરી હોવાનું જાણવા મળ્યું છે.

આ બાબતે મળતી માહિતી મુજબ પોલીસઅધિક્ષક પાટણ ડો.રવિન્દ્ર પટેલ નાઓએ જીલ્લામાં પ્રોહી/જુગારની ગે.કા. પ્રવૃત્તિ નેસ્તનાબુદ કરવા સુચના કરેલ હોઇ જે અનુસંધાને નાયબ પોલીસ અધિક્ષક કે.કે.પંડ્યાના માર્ગદર્શન હેઠળ સિધ્ધપુર પીઆઈ જે.બી.આચાર્ય પોલીસ સ્ટાફના માણસો સાથે પ્રેટ્રોલીંગમાં હતાં દરમ્યાન બાતમી હકીકત મળેલ કે, ઠાકોર ભરતકુમાર રામસંગજી રહે સિધ્ધપુર ત્રણ દરવાજા, બિન્દુ સરોવર તા.સિધ્ધપુર જી.પાટણ વાળો જે સિધ્ધપુર ત્રણ દરવાજા બિન્દુ સરોવર ખાતે આવેલ પોતાના રહેણાંક મકાન મા ગે.કા.વગર પાસ પરમીટનો વિદેશી દારૂ સંતાડી રાખેલ છે.

જે હકીકત આધારે ટીમે ઉપરોક્ત જગ્યાએ જઇ રેઇડ કરતાં રહેણાંક ઘરમાં પ્લાસ્ટીકની થેલીઓમાં સંતાડેલ વિદેશી દારૂ ની બોટલો તથા બિયરના ટીન કુલ નંગ-૨૨૧ કુલ કિં.રૂ.૩૨,૩૭૩/-નો મુદામાલ તથા બે મોબાઇલ ફોન કી.રૂ.૫૫૦૦/- સાથે કુલ મુદામાલ રૂ.૩૭,૮૭૩/-ના મુદામાલ સાથે બુટલેગર ને દબોચી સિધ્ધપુર પોલીસ મથકે લાવી તેની સામે પ્રોહીબીશન નો ગુનો નોંધી આગળની તપાસ હાથ ધરી હોવાનું જાણવા મળ્યું છે.

અહેવાલ યશપાલ સ્વામી