વિશ્વ કલ્યાણની કામના સાથે ભક્તોએ રવાડી ના દર્શન કરી ધન્યતા અનુભવી…
પાટણ તા. ૧૬
પાટણ પ્રજાપતિ સમાજના ઇષ્ટદેવ ભગવાન શ્રી પદ્મનાભજીની સંવત 2080 ને જેઠ શુદ (10). દસમ ને રવિવાર તા 16.6.24. ના રોજ સવારે આઠ કલાકે શ્રી પદ્મનાભ ભગવાનની જયોત સ્વરૂપે નિકળતી રવાડી પરંપરાગત શ્રી પદ્મનાભ ભગવાન ની પુજા-અચૅના અને મહાઆરતી કયૉ બાદ મંદિર પરિસર ખાતેથી ભગવાનની વાણી કિતૅન સાથે પ્રસ્થાન પામી હતી.
આ જયોત સ્વરૂપે નિકળેલી રવાડી શ્રી પદ્મનાભ વાડી પરિસરની પરિક્રમા કરી શ્રી પદ્મનાભ ભગવાન મંદિર પરિસર ખાતે સંપન્ન બની હતી.
ભગવાન પદ્મનાભજી ની રવાડીના દશૅન માટે વહેલી સવારથી જ પાટણ પ્રજાપતિ સમાજના પરિવારજનો સહિત શ્રી પદ્મનાભ ભગવાન ના ભકતોએ મોટી સંખ્યામાં ઉપસ્થિત રહી વિશ્વ કલ્યાણ ની કામના સાથે રવાડી ના દશૅન-પ્રસાદનો લાભ લઈ ધન્યતા અનુભવી હતી.
અહેવાલ યશપાલ સ્વામી
