પાટણના ત્રિમંદિર પરિવાર દ્વારા ભૂખ્યાજનોની જઠરાગ્નિ ઠારવા મિષ્ટ ભોજન પીરસાયુ..

ત્રિમંદિર પરિવારની દર રવિવારે કરાતી માનવીય સેવાને શહેરીજનોએ સરાહનીય લેખાવી..

પાટણ તા. ૧૬
પાટણ શહેરના ભૈરવ મંદિર રોડ પર આવેલા ત્રિ મંદિર પરિવાર દ્વારા દર રવિવારે દરિદ્રનારાયણની સેવા કરવાનું ભગીરથ કાયૅ કરવામાં આવી રહ્યું છે. ત્યારે આ રવિવારે ત્રિમંદિર પરિવાર દ્વારા ભૂખ્યા જનોની જઠરાગ્નિ ઠારવા મિષ્ટ ભોજન પીરસવાની સેવા પ્રવૃત્તિ કરવામાં આવી હતી.

આ સેવાકીય પ્રવૃતિમાં ત્રિમંદિર પરિવારના સેવા
ભાવી યુવાનો સાથે પરિવારના નાના ભૂલકાઓએ પણ જોડાઈ શહેરના વિવિધ વિસ્તારોમાં ફરીને ભૂખ્યાજનોને મિષ્ટ ભોજન પિરસી તેઓની જઠરાગ્નિ ઠારવાની સેવાનો લાભ લઈ ધન્યતા અનુભવી હતી.

ભૈરવ મંદિર રોડ પર આવેલ ત્રિમંદિર પરિવારની દર રવિવારે કરાતી માનવ સેવાની પ્રવૃત્તિ ને પાટણના પ્રબુદ્ધ નગરજનો એ સરાહનીય લેખાવી છે.

અહેવાલ યશપાલ સ્વામી