પાટણ શહેર ના વિવિધ વિસ્તારોમાં બાકી રહેલી સ્ટ્રીટ લાઇટો કાર્યરત કરવા જુદી જુદી યોજનાઓની રૂ. 21, 57, 758 ગ્રાન્ટ ફાળવાઈ..

482 સ્ટ્રીટ લાઈટો પૈકી 57 સ્ટ્રીટ લાઈટો નાખવામાં આવી જ્યારે બાકીની સ્ટ્રીટ લાઈટો નાખવાની કામગીરી ચાલુ.

પાટણ તા.19
પાટણ શહેરના વિવિધ વિસ્તારોમાં બાકી રહેલી 482 સ્ટ્રીટ લાઇટોની કામગીરી પૂર્ણ કરવા જુદી જુદી યોજનાઓની ગ્રાન્ટ જેવી કે સ્વર્ણિમ જયંતિ મુખ્યમંત્રી શહેરી વિકાસ યોજના, યુ ડી પી 88,14 માં નાણા પંચ 2017-18 ની પરફોર્મન્સ ગ્રાન્ટ, અને 15 માં નાણા પંચના પ્રથમ હપ્તાની ગ્રાન્ટ મળી કુલ રૂ.21,57,758 ગ્રાન્ટ ફાળવવામાં આવી હોવાનું પાલિકા પ્રમુખ હિરલબેન પરમારે જણાવ્યું હતું.

શહેરના બાકી વિસ્તારોમાં રહેલી સ્ટ્રીટ લાઇટની કામગીરી પૂર્ણ કરવા વિવિધ યોજનાઓની ગ્રાન્ટમાંથી રકમ ફાળવવામાં આવતાં સ્ટ્રીટ લાઈટ ચેરમેન રમીલાબેન ગોવિંદભાઈ ભીલે હાજર રહી શહેર ના સૂર્ય નગર વિસ્તારમાં સ્ટ્રીટ લાઈટ નાખવાની કામગીરીનો પ્રારંભ કરાવ્યો હતો તો અત્યાર સુધીમાં સૂર્યનગર સહિતના અન્ય વિસ્તારોમાં કુલ 57 સ્ટ્રીટ લાઈટ નાખવાની કામગીરી પૂર્ણ કરવામાં આવી છે. તો બાકી ની સ્ટ્રીટ લાઈટો નાખવાની કામગીરી હાલમાં ચાલુ હોવાનું સ્ટ્રીટ લાઇટ કમિટીના ચેરમેન રમીલાબેન ભીલે જણાવ્યું હતું.

અહેવાલ યશપાલ સ્વામી