પાટણની માધવ નગર સોસાયટીની મહિલાઓ એ પાણી મામલે પાલિકા ગજવી..

પંદર દિવસથી પાણીની સમસ્યા ભોગવી રહેલી મહિલાઓએ સમસ્યાનું નિરાકરણ નહિ આવે તો એક પણ કોર્પોરેટરોને સોસાયટીમાં પ્રવેશ નહીં કરવા દઈએ તેવી ચીમકી ઉચ્ચારી..

પાટણ તા. ૧૯
પાટણ શહેરના પદ્મનાભ રોડ પરની માધવનગર સોસાયટી માં છેલ્લા 15 દિવસથી પાણી ન આવતું હોવાની રજુઆત સાથે બુધવારે સાંજે વિસ્તાર ની મહિલાઓ પાલિકા ખાતે પાણી ની રજુઆત કરવા આવ્યા હતા પરંતુ પાલિકા ખાતે કોઈ પણ જવાબદાર અધિકાર હાજર ન હોવા ના કારણે મહિલાઓએ વોટર વર્કસ શાખાની ઓફિસ માં બેસી પાલિકા પ્રમુખ અને પાલિકા સતાધીશો વિરુદ્ધ સુત્રોચ્ચાર કરી પોતાનો રોષ પ્રદશિર્ત કર્યો હતો.

પાટણ નગર પાલિકા દ્રારા વિવિધ વિસ્તારમાં પાણી આપવામાં આવે છે ત્યારે છેલ્લા 15 દિવસ થી માધવ નગર વિસ્તારમાં ઓછું પાણી આવતું હોવાની સમસ્યા નું નિરાકરણ નહિ આવતા બુધવારે વિસ્તાર ની મહિલાઓ પાલિકા ખાતે રજુઆત કરવા આવી હતી પરંતુ પાલિકા મા પાલિકા પ્રમુખ કે ચીફ ઓફિસર હાજર ના હોવાના કારણે મહિલાઓ રોષે ભરાઈ હતી અને પાલિકા ના વોટર વર્કસ શાખા માં બેસી સત્તા ધીશ વિરુદ્ધ સુત્રોચ્ચાર કરવામાં આવ્યા હતા.

પાટણ નગર પાલિકાના વોટર વર્કસ શાખા માં મહિલાઓ પાણી આપો પાણી આપો, હાય રે ના નારા લગાવ્યા હતા. તો જશોદા બેન નામની મહિલાએ જણાવ્યું હતું કે છેલ્લા 15 દિવસ થી ધીમુ ધીમું પાણી આવે છે અને તે પણ 5 મિનિટ આવે છે. પાલિકાએ પાણી વેરો કર્યો છે અને વોટ લેવા માટે લોકો આવતા હોય છે પરંતુ વોટ લઇને ચૂંટાયા બાદ વિસ્તારના લોકોની મુશ્કેલીઓ પણ પૂછતા નથી હોતા ત્યારે જો પાણીની સમસ્યાનું નિરા કરણ નહીં આવે તો નગરપાલિકાના એક પણ કોર્પોરેટરોને અમારી સોસાયટી માં પ્રવેશ કરવા દઈશું નહિ તેવી ચિમકી ઉચ્ચારી હતી.

અહેવાલ યશપાલ સ્વામી