પાટણ તા. ૨૧
આર.એસ.એસ.સ્થાપક પ્રથમ સર સંઘ ચાલક ડૉ. કેશવ બલિરામ હેડગેવારજીની પુણ્યતિથિએ પાટણના પનોતા પુત્ર અને ગુજરાત પ્રદેશ ભારતીય જનતા પાર્ટીના પૂર્વ મહામંત્રી કે.સી.પટેલે શુક્રવાર ના રોજ આર.એસ.એસ.ના મુખ્ય કાયૉલય નાગપુર ખાતે સ્થાપિત તેઓની પ્રતિમા ને પુષ્પાંજલી સાથે વંદન કરી ધન્યતા અનુભવી હતી.
ભારત માતાને પરમ વૈભવના શિખરે પહોંચાડવાના લક્ષ્ય સાથે હેડગેવારજીએ પોતાનું જીવન ખપાવી દીધું અને વ્યક્તિ નિર્માણ થી રાષ્ટ્ર નિર્માણના તેમના પ્રેરક વિચારોએ અસંખ્ય યુવાનોને જીવન જીવવાનો સાચો રાહ બતાવ્યો છે, અને યુવા શક્તિને દેશ સેવા ના કાર્યમાં જોડી છે ત્યારે આવી મહાનવિભૂતિ ને પુષ્પાજલિ સમર્પિત કરી વંદન કરવાનો લ્હાવો મેળવી કે.સી.પટેલે પણ ધન્યતા અનુભવી હતી.
અહેવાલ યશપાલ સ્વામી
