પાટણ નાના બાર કડવા પાટીદાર સમાજના યુવા સંગઠન દ્વારા સમાજની 172 દિકરીઓને સવૉઈકલ વેક્સિન નો પ્રથમ ડોઝ અપાયો..

સમાજની દિકરીઓને ગભૉશયના કેન્સર થી સુર
ક્ષિત બનાવવા આયોજિત નિશુલ્ક વેક્સિન કેમ્પ સરાહનીય બન્યો..

પાટણ તા. 23
નાનાબાર કડવા પાટીદાર સમાજના યુવા સંગઠન દ્વારા પાટણ માં રહેતા સમાજ પરિવાર ની દિકરીઓ ને નિઃશુલ્ક સર્વાઇકલ કેન્સરની રસી નો પ્રથમ ડોઝ આપવાનો કાર્યક્રમ રવિવારે શહેરના રેડ ક્રોસ ભવન પદ્મનાભ ચાર રસ્તા,પાટણ ખાતે આયોજિત કરવા માં આવ્યો હતો.જેમાં સમાજ ની 172 દીકરીઓને ગર્ભાશયનાં કેન્સરથી બચાવવા સર્વાઇકલ કેન્સર પ્રતિરોધક વેક્સિન આપવામાં આવી હતી.

પાટણ નાનાબાર કડવા પાટીદાર સમાજે નારી શક્તિને સશક્ત કરવાના આ અનેરો પ્રયાસને સૌએ સરાહનીય લેખાવી સમાજની દિકરીઓને ભવિષ્ય માં ગર્ભાશયનાં કેન્સરથી બચાવવા સર્વા ઇકલ કેન્સર પ્રતિરોધક વેક્સિન આપીને સુરક્ષિત કરવા સમાજ દ્વારા શક્તિ વંદના અભિયાનને સરાહનીય લેખાવ્યુ હતું. પાટણ શહેરના નાનાબાર કડવા પાટીદાર સમાજના પાટીદાર યુવા સંગઠન દ્વારા સમાજનાં દાતાઓ નાં સહયોગથી સમાજની 9 થી 14 વર્ષની દિકરી ઓને વેક્સિનના બે ડોઝ તથા 15 થી 29 વર્ષની દિકરીઓ માટે સંગઠન દ્રારા આગામી સમયમાં ગામે ગામ કેમ્પ યોજી દિકરીઓ ને સુરક્ષિત કરવામાં આવશે.

કેમ્પ માટે સમાજનાં ડોક્ટરો તથા પેરા-મેડીકલ સ્ટાફની સેવા લેવા આવી હતી.તો મેગા કેમ્પ માં નાના બાર કડવા પાટીદાર સમાજ દ્વારા દીકરીઓ માટે ચા-નાસ્તાની પણ વ્યવસ્થા કરી યુવા કાર્ય
કરોએ ખડે પગે સેવા બજાવી હતી. પાટણ નાના બાર કડવા પાટીદાર સમાજના પાટીદાર યુવા સંગઠન ના કાર્યકર જયેશભાઈ પટેલે જણાવ્યું હતું કે, પાટણ શહેર માં રહેતી નાના બાર કડવા પાટીદાર સમાજ ની 9 થી 14 અને 15 થી 26 વર્ષની 172 દીકરીઓને પાટીદાર યુવા સંગઠન દ્વારા પ્રથમ વેક્સીનેશન આપવામાં આવ્યું હતું.

તો ડૉ. જીગર પટેલે જણાવ્યું હતું કે, આજે શહેરમાં વસતા નાના બાર કડવા પાટીદાર સમાજ ની 172 દીકરીઓને સર્વાઈકલ કેન્સર સામે રક્ષણ ની રસી અપાઈ હોવાનું જણાવ્યું હતું. જયારે સમાજ ની દિકરી ધાર્મી પટેલે જણાવ્યું હતું કે, અમારા સમાજે અમને સર્વાઇકલ કેન્સર વિરોધી વેક્સીન આપીને અમારા સુરક્ષિત ભવિષ્ય માટે ઉમદા કાર્ય કર્યુ છે.
વેક્સિન મોંધી હોવા છતાં સમાજ દ્વારા અમને મફતમાં વેક્સિન આપવામાં આવી રહી છે જેનો અમને અમારા સમાજ પર ગર્વ છે.

નાનાબાર કડવા પાટીદાર સમાજના યુવા સંગદન દ્રારા આયોજિત આ સવૉઈકલ વેક્સિન કાર્યક્રમ મા ગુજરાત પ્રદેશ ભાજપના પૂવૅ મહામંત્રી અને પાટણ ના પનોતા પુત્ર કે. સી. પટેલ સહિત પાટીદાર સમાજ ના અગ્રણીઓ, પ્રતિનિધિઓ ,સમાજના વિવિધ સંસ્થાઓ સાથે સંકળાયેલા આગેવાનો, પાટીદાર યુવા સંગઠન ના પ્રમુખ, મંત્રી સહિત સૌ કારોબારી સદસ્યો તેમજ રજીસ્ટ્રેશન થયેલી લાભાર્થી દિકરી ઓના વાલીઓ ઉપસ્થિત રહ્યા હતા.

અહેવાલ યશપાલ સ્વામી