ગુરૂપૂર્ણિમા ના પવિત્ર દિવસે પ. પુ. દોલતરામ બાપુએ શિષ્યોને વૃક્ષો વાવવા અપીલ કરી આશિર્વાદ પાઠવ્યાં..

મોટી સંખ્યામાં ભકતોએ ઉપસ્થિત રહી ગુરૂ પુજન સાથે ભજન ભક્તિ નો લ્હાવો લઈ ધન્યતા અનુભવી..

પાટણ તા. ૨૨
પાટણ તાલુકાના નોરતાવાટા ગામે ગુરુપૂર્ણિમાએ સંત શ્રી દોલતરામબાપુ અને પ. પુ. વિશ્વભારતીજી મહારાજના દર્શન માટે વિશાળ સંખ્યામાં ભક્તો સાથે રાજકીય, સામાજિક આગેવાનો ઉમટયા હતાં.

ગુરુપૂર્ણિમાના પવિત્ર દિવસે ગુરુના પૂજન અર્થે આવેલા શિષ્યોને વ્યસન મુક્ત બનાવનાર પ. પુ. દોલતરામ મહારાજ અને પ. પુ. વિશ્વભારતીજી એ પોતાના આશિર્વચન પાઠવતા પર્યાવરણના જતન માટે અને ગ્લોબલ વોર્મિંગ ને અટકાવવા દરેક શિષ્યને વૃક્ષો વાવી અને તેનું જતન કરવા માટે આહવાન કયુઁ હતું.

પાટણ ના નોરતાવાટા ગામે પ. પુ. સંત દોલતરામજી મહારાજના સ્થાનકે રવિવારે ગુરુપૂર્ણિમાને લઈ પંથક માંથી મોટી સંખ્યામાં ઉપસ્થિત રહેલા ભકતો માટે પુ. બાપુના અનુયાયી પ. પુ. રવિ રામ મહારાજ દ્રારા સુંદર ભોજન પ્રસાદનું આયોજન કરવામાં આવ્યું હતું.

રાત્રે આશ્રમ ખાતે ભજન ભક્તિ ના આયોજિત કાર્યક્રમમાં પણ ભક્તોએ મોટી સંખ્યામાં ઉપસ્થિત રહી ગુરુની પૂજા અર્ચના સાથે આશીર્વાદ મેળવી ધન્યતા અનુભવી હતી.

અહેવાલ યશપાલ સ્વામી