પાટણ તા. 28
પાટણ નગરપાલિકા દ્વારા તાજેતરમાં શહેરના મિલકત ધારકોની ચતુર્થ વર્ષીય આકારણી કરવામાં આવી હતી. જે આકારણી દરમિયાન કેટલાક મિલકત ધારકોએ પોતાની મિલકત આકાણીને લઈને પાલિકામાં વાંધા અરજી રજૂ કરી હતી.
જે વાંધા અરજીઓની સુનાવણી શુક્રવારે નગરપાલિકાના સભાખંડ ખાતે કારોબારી ચેરમેન મુકેશભાઈ પટેલના અધ્યક્ષ સ્થાને હાથ ધરવામાં આવી હતી.
જેમાં મિલકત આકારણી ની વાંધા અરજી કરનાર 295 અરજદાર મિલકત ઘારકોની અરજીઓને વંચાણે લઈ તમામ મિલકત ધારકોની અરજીઓનું સુખદ નિરાકરણ લાવવામા આવ્યું હોવાનું કારોબારી ચેરમેન મુકેશભાઈ પટેલે જણાવ્યું હતું મિલકત ધારકોએ પોતાની આકારણીની વાંધા અરજીના સુખદ નિરાકરણ ને લઇ પાલિકાના સતાધિશોનો આભાર વ્યક્ત કર્યો હતો.
પાલિકા ખાતે આ ધરાયેલી વાંધા અરજીની સુનાવણીમાં કારોબારી ચેરમેન મુકેશભાઈ પટેલ, પાલિકાના ઉપપ્રમુખ હિનાબેન શાહ, કારોબારી સભ્ય મહેશભાઈ પટેલ, ડો.નરેશ દવે, વેરા શાખા અધિકારી લક્ષ્મણ ભાઈ પટેલ, સંજયભાઈ પટેલ સહિત સ્ટાફ ઉપસ્થિત રહ્યો હતો.
અહેવાલ યશપાલ સ્વામી
