વષૅ 2021-22 મા હારીજ કેન્દ્ર ખાતે PSS હેઠળ ચણાની ટેકાના ભાવે ખરીદીમાં ખેડૂતોના અટકાવેલ રૂ.1.27 કરોડ ની રકમ ના ચેકો આખરે અપૅણ કરાયા..

પાટણ એપીએમસી ખાતેગુજકોમાસોલના ડિરેક્ટર અને માર્કેટયાર્ડના ચેરમેનના હસ્તે ખેડૂતોને ચેક અપાયા..

પાટણ તા. 28
વષૅ 2021-22 મા હારીજ કેન્દ્ર ખાતે PSS હેઠળ ચણાની ટેકાના ભાવે ખરીદીમાં ખેડૂતોના અટકાવેલ રૂ. 1.27 કરોડની રકમ ના ચેકો શુક્રવારે પાટણ એપીએમસી ખાતે ગુજકો માસોલ ના ડિરેક્ટર અને માર્કેટ યાર્ડના ચેરમેન સ્નેહલ ભાઈ પટેલ ના હસ્તે ખેડૂતોને અપૅણ કરવામાં આવ્યા હતા.

વષૅ 2021-22 મા PSS હેઠળ ચણાની ટેકાના ભાવે સરકાર દ્વારા ખરીદી દરમ્યાન હારીજ તાલુકાનાં કુલ 12 ગામોમાં ગેરરીતિ થયા સંદર્ભે સરકારના તા. 18/6/22 ના પત્રથી થયેલ નિર્ણય મુજબ હારીજ તાલુકાના 11 ગામો સાંકરા, માલસુદ, વાંસા, વાગોસણ, જમણપુર, દાંતરવાડા, ભલાણી, અડિયા,અરીઠા, દુનાવાડા, કુંભાણા ગામોના ખેડૂતો દ્વારા ચણાના વાવેતર વગર ખોટી નોંધણી તથા વેચાણ કરવા બદલ 128 કિસ્સાઓમાં ખેડૂતોને ખરીદીનું પેમેન્ટ ન કરવા જણાવેલ જે અંગે ખેતી નિયામકની કચેરી દ્વારા તા. 1/ 7/ 22 ના પત્રથી રાજ્ય નોડલ એજન્સી ગુજકોમસોલને 128 ખેડૂતોએ વેચાણ કરેલ ચણાનું ચૂકવણું ન કરવા આદેશ કરેલ જોકે આ બાબતે ગુજકોમાસોલ દ્વારા તા. 6/523 ના પત્રથી જે તે ખેડૂતોને ચૂકવણું કરેલ નથી.

તેવું જણાવતાં વર્ષ 2021-22 માં હારીજ કેન્દ્ર ખાતે PSS હેઠળ ચણાની ટેકાના ભાવે ખરીદીમાં ખેડૂતોના ચણાના અટકાવેલ ચૂકવણાબાબતે પુનઃ વિચારણા કરતાં હારીજ તાલુકાનાં 11 ગામોના 128 ખેડૂતો દ્વારા ટેકાના ભાવે વેચાણ કરેલ ચણાના 285.25 મે.ટન જથ્થાનું તેના ખરીદીના સમયગાળા દરમ્યાન APMC ના મોડલ ભાવ રૂ.4427 પ્રતિ ક્વિ મુજબ ખેડૂતોને ખરીદ કરેલ જથ્થા મુજબ ચૂકવણું કરવાનું થાય છે જે સારું ઉપલબ્ધ કરાવેલ 128 ખેડૂતોની ખરીદેલ જથ્થા સાથેની યાદી મુજબ 128 ખેડૂતો પાસે થી ટેકાના ભાવે ખરીદાયેલ ચણાનો કુલ જથ્થો 285.25 મે.ટનનું મોડલ ભાવ રૂ.4427 પ્રતિ ક્વિ પ્રમાણે મૂલ્ય રૂ. 1,26,28,01.50 થાય છે.

જ્યારે નાફેડ તરફથી ખેડૂતોને ચૂકવણું કરવા ટેકાના ભાવ રૂ.5230 પ્રતિ વિ પ્રમાણે ખરીદેલ જથ્થાનું કુલ મૂલ્ય રૂ. 1,49,18,575 પ્રમાણેના નાણાં ગુજકોમાસોલને મળેલ હોય જેથી ખેડૂતોને ખરીદીના જથ્થા મુજબ રૂ. 1,26,28,017.50 ચૂકવાની કામગીરી શુક્રવારે એપીએમસી પાટણ ખાતે થી ચેરમેન સ્નેહલ ભાઈ પટેલ ના વરદ હસ્તે કરવામાં આવી હતી.

ખેડૂતો ને તેઓની રકમના ચેક અપૅણ કયૉ બાદ બાકીની વધનાર રકમ ગુજકોમાસોલ પાસે રહેનાર બચત રકમ રૂ. 2,29,055,750 ખેત સમધારણ ફંડ નિધિમાં પરત જમા કરાવવાની ઘટતી કાર્યવાહી કરવામાં આવનાર હોવાનું ગુજકો માસોલ ના ડિરેક્ટર અને પાટણ એપીએમસી ના ચેરમેન સ્નેહલ ભાઈ પટેલે જણાવ્યું હતું. વર્ષ 2021 22 ના અટકેલા નાણા ની રકમ ખેડૂતો ને મળતા તેઓએ રાજય સરકાર સહિત ગુજકોમાસોલ અને પાટણ એપીએમસીના ચેરમેન સ્નેહલભાઈ પટેલ નો આભાર વ્યક્ત કર્યો હતો.

અહેવાલ યશપાલ સ્વામી