પાટણમાં અષાઢી બીજ ના પવિત્ર દિવસે ચાંદી મઢીત ત્રણ રથોમાં ભગવાન બિરાજમાન બની ભક્તોને દર્શન આપવા નગરચયૉ એ નીકળશે…

142 મી રથયાત્રા ને લઈને જગન્નાથ મંદિર ટ્રસ્ટ અને રથયાત્રા સમિતિ દ્વારા વિવિધ ધાર્મિક ઉત્સવો અને કાર્યક્રમો કરાશે..

142 મી રથયાત્રા ની રૂપરેખા આપવા પાટણના ઇલેક્ટ્રોનિક તેમજ પ્રિન્ટ મીડિયાના પત્રકાર મિત્રોની પ્રેસ બેઠક યોજાઈ…

પાટણ તા. 1
પાટણ શહેરના રોકડિયા ગેટ વિસ્તારમાં આવેલા ભગવાન શ્રી જગન્નાથજીના મંદિર પરિસર ખાતેથી તારીખ 7 જુલાઈને અષાઢી બીજ ના પવિત્ર દિવસે બપોરે 12:39 કલાકના શુભ મુહૂર્તમાં ચાંદી મઢીત ત્રણ રથમાં બિરાજમાન બની ભગવાન જગન્નાથજી, ભાઈ બલભદ્ર અને બહેન શુભદ્રાજી નગર ચયૉએ નીકળવા ના હોય જેને લઈને જગન્નાથ મંદિર ટ્રસ્ટ પરિવાર અને જગન્નાથ ભક્તો સહિત રથયાત્રા સમિતિના સેવક ગણમાં અનેરો ઉત્સાહ ઉમંગ જોવા મળી રહ્યો છે.

ત્યારે ભગવાન જગન્નાથજીની 142 મી નગરચર્યા ને લઈને આયોજિત કરાયેલા ધાર્મિક ઉત્સવો અને કાર્યક્રમોની રૂપરેખા આપવા સોમવારના રોજ જગન્નાથ ભગવાન મંદિર પરિસર ખાતે જગન્નાથ મંદિર ટ્રસ્ટના ટ્રસ્ટી મંડળ સહિત રથયાત્રા સમિતિના સેવાભાવી કાર્યકર્તાઓ દ્વારા પાટણના ઈલેક્ટ્રોનિક તેમજ પ્રિન્ટ મીડિયાના પત્રકારોની પ્રેસ બેઠકનું આયોજન કરવામાં આવ્યું હતું.

ભગવાન જગન્નાથજી ની 142 મી નગર ચયૉ ને લઈને આયોજિત કરવામાં આવેલ પ્રેસ બેઠકમાં ઉપસ્થિત રહેલા પાટણ ના ઇલેક્ટ્રોનિક તેમજ પ્રિન્ટ મીડિયાના પત્રકાર મિત્રોને માહિતી પ્રદાન કરતા જગન્નાથ મંદિર ટ્રસ્ટના મેનેજિંગ ટ્રસ્ટી પિયુષભાઈ આચાર્યએ જણાવ્યું હતું કે ચાલુ સાલે ભગવાન જગન્નાથજીની 142 મી રથયાત્રા ભવ્યાતી ભવ્ય બની રહે તે માટે સુંદર આયોજન સાથે વિવિધ ધાર્મિક ઉત્સવો અને કાર્યક્રમો ઉજવવામાં આવનાર છે.

જેમાં તા.2 જુલાઈ ને મંગળવારે સવારે 9 કલાકે શહેરના આનંદ સરોવર સામે આવેલ ગણેશ આશ્રમ ખાતેથી સૌ પ્રથમવાર જળ યાત્રા નું આયોજન કરવામાં આવ્યું છે. જે જળયાત્રામાં ભગવાનને પાલખીમાં બિરાજમાન કરી વાજતે ગાજતે ભક્તિ સંગીતના સૂરો વચ્ચે ગણેશ આશ્રમ થી નીકળી સુભાષચોક, જૂના ગંજ બજાર, હિંગળાચાચર, ધીવટા નાકાથી બહુચર માતાના મંદિર પરિસર થઈને ભગવાન જગન્નાથજીના મંદિર પરિસર ખાતે સવારે 11 કલાકના શુભ મુહર્તે લાવવામાં આવશે. જે જળ ને વિદ્વાન બ્રાહ્મણોના મંત્રોચ્ચાર વચ્ચે અભિમંત્રિત કરવામાં આવશે અને ત્યારબાદ જળનો ભગવાન પર અભિષેક કરવામાં આવશે.

તો આજ દિવસે બપોરે 12 કલાકના શુભ મુહૂર્તમાં ભગવાનનો નેત્રોત્સવ કાર્યક્રમ યોજવામાં આવશે. મંદિર પરિસર ખાતે પરંપરાગત માન્યતાના પ્રતિક રૂપ ભગવાનની તબિયત નાદુરસ્ત બનતા તેમની આંખો દુખવા આવી હોય તેની યાદમાં ભક્તો દ્વારા ભગવાનને નેત્ર ચિકિત્સા કરાશે અને ભગવાનની આંખોને શીતળતા પહોંચે તેવા ભાવથી તેમના નેત્રો ઉપર મધ, ઘી,સાકર, તુલસી, પાન,વરિયાળી,જાયફળ, ગંગાજળ, કેવડાજળ, ગુલાબજળ જેવા કુદરતી દ્રવ્ય વડે ભગવાનની આંખે પાટા બાંધીને ભગવાનને આરામ માટે મામાના ઘરે મોકલાશે.

રાત્રે 8 થી 11 કલાકના સમયે મંદિર પરિસર ખાતે 31 વિદ્વાન બ્રાહ્મણો અને 21 યજમાનોના યજમાન પદે ભગવાન સત્ય નારાયણની સંસ્કૃતના ઉચ્ચારણો સાથે સંગીતમય શૈલીમાં કથા કરવામાં આવશે. તારીખ 4 જુલાઈ ના રોજ સવારે 9:00 કલાકે મંદિર પરિસર ખાતે ભગવાનના ચક્ષુ ઉનમિલન નો કાર્યક્રમ યોજાશે. જેમાં સવારે 8:00 કલાકે ભગવાનને મામાના ઘરેથી પોતાનાનીજ સ્થાને એટલે કે મંદિર પરિસર ખાતે લાવવામાં આવશે ત્યારબાદ ભગવાનની સેવા પૂજા કરીને ભગવાનના નેત્રો દ્વાર વિધી કરવામાં આવશે અને ચક્ષુ પરથી બાંધેલા પાટા દૂર કરાશે.

આ પ્રસંગે ઉપસ્થિત જે પણ ભાવિક ભક્તો ઉપર પ્રથમ દષ્ટિ ભગવાનની પડશે તેનું જીવન ધન્ય બનશે. આ દિવસે રાત્રે આઠ કલાકે મંદિર પરિસર ખાતે પાટણ શહેરના પીંડારીયાવાડા પરમેશ્વર યુવક મંડળ દ્વારા સંગીતમય શૈલીમાં આનંદના ગરબાનું આયોજન કરવામાં આવ્યું છે. તારીખ 5 જુલાઈને શુક્રવારના રોજ રાત્રે 8 થી 11 કલાકના સમયે પાટણ અને મહેસાણાના ભૂદેવો દ્વારા મંત્રોચ્ચાર સાથે ભગવાનને રીઝવવાનો પ્રસંગ ઉજવાશે. જ્યારે તારીખ 6 એપ્રિલ શનિવારના રોજ સવારે આઠ કલાકે મંદિર પરિસર ખાતે 31 વિદ્વાન બ્રાહ્મણો દ્વારા મહા અભિષેક સાથે યજ્ઞનો પ્રારંભ કરવામાં આવશે.

આ પ્રસંગે યજમાન પદે અતુલભાઇ નાયક, હરેશભાઈ દેસાઈ, ઘનશ્યામભાઈ પટેલ, સતિષભાઈ ઠક્કર અને કમલેશભાઈ મોદી પરિવાર લ્હાવો લેશે. આજ દિવસે સાંજે ચાર કલાકે ભગવાન નું મામેરૂ શહેરના બડવાવાડા ખાતે રહેતા યજમાન પરિવાર અતુલભાઈ નાયક ના નિવાસ સ્થાને થી શણગારેલા રથમાં ભક્તિ સંગીતના સૂરો વચ્ચે પ્રસ્થાન પામી શહેરના ચતુર્ભુજ બાગ, જૂના ગંજ બજાર,હિંગળાચાચર ચોક, મેઈન બજાર, ધીવટા બહુચર માતાના મંદિર થઈને શ્રી જગન્નાથ ભગવાન મંદિર પરિસર ખાતે સંપન્ન બનશે જ્યાં મામેરાનું ભક્તિ સભર માહોલમાં ભવ્ય સામૈયું કરવામાં આવશે.

જ્યારે તારીખ 7 જુલાઈને અષાઢી બીજ ના પવિત્ર દિવસે વહેલી સવારે ભગવાનની પૂજા-અર્ચના સાથે ભક્તો માટે મંદિરના દ્વાર દર્શનાર્થે ખુલ્લા મુકાશે અને બપોરે 12:39 કલાકના શુભ મુહૂર્તમાં ભગવાન જગન્નાથજી,ભાઈ બલભદ્રજી અને બહેન સુભદ્રાજીને શાસ્ત્રોક્ત મંત્રોચ્ચાર સાથે ચાંદી મઢીત ત્રણ રથોમાં આરુઢ કરવામાં આવશે. ત્યારબાદ જાણીતા ઉદ્યોગપતિ અને કેબિનેટ મંત્રી બલવંતસિંહ રાજપુત, પાટણ સાંસદ ભરતસિંહ ડાભી તેમજ ઐતિહાસિક ફિલ્મ નાયિકાદેવી ના મુખ્ય અભિનેત્રી ખુશી શાહ સહિતના રાજકીય, સામાજિક આગેવાનો, જિલ્લા વહીવટી તંત્રના વડાઓ અને દાતાપરિવારો ની ઉપસ્થિતિમાં ભગવાનની મહાઆરતી ઉતારવામાં આવશે.

ત્યારબાદ ભગવાન ના ત્રણ રથો સાથે નિશાન ડંકો, શણગારેલા રથો, શણગારેલા ઉટો, શણગારેલા ઘોડા, શણગારેલા ટ્રેક્ટરો, આઇસરો, ડીજે સાઉન્ઙો, શહેરની વિવિધ ધાર્મિક સામાજિક અને શૈક્ષણિક સંસ્થાઓ નો ટેબ્લો, આર્યવ્રત નિર્માણ ચેરીટેબલ ટ્રસ્ટ દ્વારા 5000 વૃક્ષો સાથે પર્યાવરણની ઝાંખી કરાવતો અનોખો ટેબ્લો સહિત અંદાજીત 101 થી વધુ ઝાંખી સાથે ભગવાન જગન્નાથજી,ભાઈ બલભદ્રજી અને બહેન સુભદ્રાજી સાથે શહેરની 142 મી નગરચર્યા એ નિકળી ભકતો ને દશૅન નો લાભ આપશે.

ભગવાન જગન્નાથજી ની નગરચયૉ ના માર્ગો પર શહેરની સેવાભાવી અને સામાજિક સંસ્થાઓ દ્વારા 80 થી વધુ જુદા જુદા પ્રકારના સેવા કેમ્પો કાયૅરત કરવામાં આવશે. તો ભગવાન ની રથયાત્રાના દર્શનાર્થે પધારતા લાખો ભક્તો માટે 210 મણથી વધુ મગ અને ચણાના પ્રસાદ નું વિતરણ કરવામાં આવશે. ચાલુ વર્ષે ભગવાન જગન્નાથજીની 142 મી નગરચર્યા દરમિયાન રથયાત્રાના માર્ગો પર કોઈ પણ ભાવિક ભક્તોને પૂજા અર્ચના માટે રથ પર ચડવા દેવામાં આવશે નહીં દરેક ભાવિક ભક્તો ને રથ નીચે ઉભા રહીને પુજા અચૅના કરવાની રહેશે.

તો ચાલુ વર્ષે રથયાત્રા ના રૂટને પણ લંબાવવામાં આવ્યો છે જેમાં રથયાત્રા બગવાડા દરવાજા થી રેલવે સ્ટેશન, મધુકુજ સોસાયટી, રેલવે ગરનાળા, આનંદ સરોવર સુભાષચોક થી રાબેતા મુજબના રૂટ પરથી પ્રસ્થાન થનાર હોવાની માહિતી પિયુષભાઈ આચાર્ય દ્વારા આપવામાં આવી હતી. ભગવાન જગન્નાથજી ની 142 મી રથયાત્રા ની માહિતી પ્રદાન માટે આયોજિત કરાયેલી પ્રેસ બેઠકમાં જગન્નાથ મંદિર ટ્રસ્ટના મેનેજિંગ ટ્રસ્ટી પિયુષભાઈ આચાર્ય, પ્રવીણભાઈ બારોટ, બેબાભાઈ શેઠ, હેમંત તન્ના,અશ્વિનભાઈ જોશી, હર્ષદભાઈ રાવલ, કાંતિલાલ પટેલ, વિનોદભાઈ પટેલ સહિત દાતા પરિવારના પિયુષભાઈ સોમપુરા, કોર્પોરેટર શૈલેષભાઈ પટેલ, મુકેશભાઈ પટેલ સહિત રથયાત્રા સમિતિના સેવાભાવી કાર્યકરો અને જગ ન્નાથ મંદિર ના ભક્તો ઉપસ્થિત રહ્યા હતા.

અહેવાલ યશપાલ સ્વામી