ભગવાન જગન્નાથજીની આંખો પરથી પાટા દુર કરી ચક્ષુ ઉનમિલન નો પ્રસંગ ઉજવાયો..

ભગવાન ની પ્રથમ દ્રષ્ટિ મેળવી જગન્નાથ ભકતોએ ધન્યતા અનુભવી..

પાટણ તા. 5
ભગવાન જગન્નાથજીની 141 મી રથયાત્રા ને લઇ અનેકવિધ પ્રસંગો જગન્નાથ મંદિર પરિસર ખાતે આયોજિત કરવામાં આવ્યા છે ત્યારે ગુરૂવારે તારીખ 5 જુલાઈ ના રોજ મંદિર પરિસર ખાતે ભગવાનના ચક્ષુ ઉનમિલન નો કાર્યક્રમ યોજવામા આવ્યો હતો.જેમાં સવારે 8:00 કલાકે ભગવાનને મામાના ઘરેથી પોતાના નીજ સ્થાને એટલે કે મંદિર પરિસર ખાતે લાવવામાં આવેલ ત્યારબાદ ભગવાનની સેવા પૂજા કરીને ભગવાનના નેત્રો દ્વાર વિધી ભૂદેવો ના શાસ્ત્રોક્ત મંત્રોચ્ચાર વચ્ચે કરવામાં આવેલ અને ભગવાન ના ચક્ષુ પરથી બાંધેલા પાટા દૂર કરવામાં આવ્યા હતાં.

આ પ્રસંગે મોટી સંખ્યામાં ઉપસ્થિત ભાવિક ભક્તોએ ભગવાન ની પ્રથમ દષ્ટિ તેઓના ઉપર પડે તે માટે ભગવાન સન્મુખ શ્રધ્ધા ભક્તિ સાથે ઉભા રહી ભગવાન ની પ્રથમ દ્રષ્ટિ નો લાભ લઈ ધન્યતા અનુભવી હતી. ભગવાન ની નેત્ર વિધિ બાદ ભગવાન ની મહા આરતી પૂજા કરવામાં આવી હતી.

અહેવાલ યશપાલ સ્વામી