દાતા પરિવારના સહયોગથી આયોજિત બ્યુટી પાર્લર કોર્સના સમાપન પ્રસંગે બહેનોએ સહયોગી બનેલ સૌનો આભાર વ્યક્ત કર્યો..
પાટણ તા.6
પાટણ પ્રજાપતિ મહિલા સમિતિ દ્વારા સમાજના દાતા પરિવારના સહયોગ થી પ્રજાપતિ સમાજની બહેનોને આત્મ નિર્ભર બનાવવા તા. 5 જુન થી એક માસ માટે સૌ પ્રથમ વાર આયોજિત કરેલ બ્યુટી પાર્લર ટ્રેનિંગ કોસૅનો શુક્રવારે સમાપન કાર્યક્રમ આયોજિત કરવામાં આવ્યો હતો. આ ટ્રેનિંગ કોષૅમા સમાજની 55 બહેનોએ લાભ લઈ આત્મ નિભૅર બની હોવાનું પ્રજાપતિ સમાજ મહિલા સમિતિના પ્રમુખ રિમાબેન ઓઝા એ જણાવ્યું હતું.
શહેરના ટેલીફોનએક્ષ્ચેન્જ રોડપર આવેલ સિધ્ધરાજ ક્રેડિટ સોસાયટીના એસી હોલમા પ્રજાપતિ સમાજ
ના દાતા અને અમેરિકા સ્થિત શ્રીમતી રમીલાબેન બાબુલાલ પ્રજાપતિ, શ્રીમતી બિપીશા( સ્વીટુ) વિશ્વાસ કુમાર ઓઝા અને શ્રીમતી રિમાબેન મુકેશભાઈ ઓઝા જય લેબ પાટણ ના સહયોગથી આયોજિત કરવા માં આવેલ બ્યુટી પાર્લર ટ્રેનિંગ કોર્સના ટ્રેનર તરીકે જાણીતા બ્યુટીશન અને વર્લ્ડ રેકોર્ડ હોલ્ડર રોશની પ્રજાપતિ એ કોસૅમાં ભાગ લેનાર પ્રજાપતિ સમાજની બહેનોને બ્યુટી પાર્લર ને લગતી વિવિધ જાણકારી પ્રેક્ટીકલ અને થિયરીકલ રીતે શીખવાડી સમાજની બહેનોને આત્મનિર્ભર બનાવી હતી.
સમાજની બહેનોને આત્મનિભૅર બનાવવાના ભાગરૂપે આયોજિત આ બ્યુટી પાલૅર તાલિમ કોસૅ ના શુક્રવારે સમાપન પ્રસંગે ચાણસ્મા આઈ.ટી.આઈ દ્વારા સમાજની તાલિમ મેળવનાર તમામ 55 બહેનોને સર્ટિફિકેટ તેમજ દાતા પરિવાર તરફથી બ્યુટી પાર્લર ની કીટ એનાયત કરવામાં આવતા તાલીમ મેળવનાર સમાજની બહેનોએ દાતા ના સહયોગથી સમાજની મહિલા સમિતિ દ્વારા આયોજિત બ્યુટી પાર્લર તાલીમ કોર્સ માં ભાગ લઈ આત્મ નિર્ભર બન્યા હોવાનો આનંદ વ્યક્ત કરી આભારની લાગણી પ્રગટ કરી હતી. પાટણ પ્રજાપતિ મહિલા સમિતિના પ્રમુખ રીમાબેન ઓઝા અને ભારતીબેન પ્રજાપતિ સહિતની બહેનોએ પણ સૌ પ્રથમ વખત આયોજિત કરવામાં આવેલ બ્યુટી પાર્લર તાલીમ કોર્સની સફળતા બદલ દાતા પરિવાર સહિત સહયોગી બનેલા સૌનો સહ્દય આભાર વ્યક્ત કર્યો હતો.
અહેવાલ યશપાલ સ્વામી
