પાટણનું પીતાંબર તળાવ ઓવરફ્લો બને તે પહેલા પાલિકાએ મોટર મૂકીપાણી ઉલેચવાની કામગીરી હાથ ધરી..

પીતાંબર તળાવનું પાણી ઉલેચાતા આજુબાજુના રહીશો એ રાહત અનુભવી..

પાટણ તા. ૬
પાટણ શહેરમાં પડેલા વરસાદના કારણે પીતાંબર તળાવ ઓવરફ્લો ની સપાટીએ પહોંચતા તળાવની આજુબાજુમાં રહેતા પરિવારજનો વિમાસણમાં મુકાયા છે ત્યારે જો પાટણ શહેરમાં મુશળધાર મેઘવર્ષા શરૂ થાય તો પીતાંબર તળાવ ની આજુબાજુમાં રહેતા પરિવારજનો ના ઘરમાં પાણી ઘૂસી જવાની શક્યતાઓ પ્રબળ બની હોય જે બાબતે વિસ્તારના રહીશોએ પોતાના વિસ્તારના કોર્પોરેટરો ને આ બાબતે ટેલીફોનીક રજુઆત કરી પીતાંબર તળાવ ઓવરફ્લો બને તે પહેલા મોટર મૂકી પાણીનો નિકાલ કરવા રજૂઆત કરતા કોર્પોરેટરો દ્વારા ચીફ ઓફિસર નુ ધ્યાન દોરતા તેઓએ વિભાગના અધિકારીને સુચના આપી પીતાંબર તળાવ માંથી પાણી ઉલચવા જણાવતા ફરજ પરના અધિકારીએ તાત્કાલિક મોટર ચાલુ કરાવી પીતાંબર તળાવ ઓવર ફ્લો બને તે પહેલા પાણીનો નિકાલ કરાતા પીતાંબર તળાવ ની આજુબાજુ રહેતા રહીશોએ રાહતની લાગણી અનુભવી હતી.

અહેવાલ યશપાલ સ્વામી