આખરે પાલિકા દ્વારા સરદાર પટેલ ની પ્રતિમા પાસે ની સીડી ને યોગ્ય કરવાની કામગીરી શરૂ કરાઈ..

પાટણ તા. ૯
પાટણ નગરપાલિકા દ્વારા શહેરના બગવાડા દરવાજા નજીક આવેલ સરદાર વલ્લભભાઈની પટેલની પ્રતિમા પાસે ની જે તે સમયે લોખંડની બનાવેલી સીડી એકદમ સીધી બની હોવાના કારણે પ્રતિમાને માલ્યાપણૅ માટે સીડી ઉપર ચડતાં લોકો ને મુશ્કેલી અનુભવાતી હોઈ જે બાબતે પાટણ નગરપાલિકાના કોર્પોરેટર અને પાટણ શહેર ભાજપના પૂર્વ પ્રમુખ મનોજભાઈ પટેલ દ્વારા પાલિકાના સત્તાધીશોને અનેક વખત રજૂઆત કરવા છતાં

આ સીડી નું સમારકામ હાથ નહીં ધરાતા આખરે તેઓએ પાટણ નગરપાલિકાના નવ નિયુક્ત કારોબારી ચેરમેન ના અધ્યક્ષ પદે મળેલી બેઠકમાં આ મામલે રજૂઆત કરતા કારોબારી ચેરમેન દ્વારા આ મામલે ત્વરિત નિર્ણય કરી સરદાર ની પ્રતિમા પાસેની સીડી ને સુધારો કરવાની મંજૂરી આપી સીડી ને સુધારવાની કામગીરી હાથ ધરાતા પાટણ નગરપાલિકાના કોર્પોરેટર મનોજભાઈ પટેલે કારોબારી ચેરમેન મુકેશભાઈ પટેલ સહિત કારોબારી કમિટી સાથે નવી બોડીનો આભાર વ્યક્ત કર્યો હતો.

અહેવાલ યશપાલ સ્વામી