પ્રથમ દિવસેજ મહિલાઓ, પુરુષો અને બાળકોએ સ્વીમીંગ પુલનો લાભ લઇ ગરમીથી રાહત અનુભવી.
પાટણ તા. ૯
પાટણ શહેરમાં ઉનાળાની કારમી ગરમીમાં લોકોને અને ખાસ કરીને યુવા વર્ગ અને મહિલા વર્ગને રાહત મળે તે માટે પાટણ ખાતેના સરદાર પટેલ રમતગમત સંકુલ ખાતે ગુરૂવાર થી શરુ કરાયેલા સ્વિમિંગપુલ થી લોકોએ આનંદની લાગણી અનુભવી હતી. જિલ્લા રમત ગમત સંકુલ ખાતે ના સ્વિમિંગપુલમાં સવારે પુરુષોની ત્રણ બેચ, બપોરે મહિલા ઓની એક બેચ અને સાંજે પુરુષોની બે બેચ રાખવામાં આવી છે.
સ્વિમિંગપુલ ના પ્રારંભના પ્રથમ દિવસે એટલે કે ગુરૂવારે સવારે ત્રણ બેચમાં 300 થી વધુ પુરુષો અને મહિલાઓની બપોરની બેચ માં 30 થી વધુ ની સંખ્યામાં બહેનોએ સ્વિમિંગપુલ નો લાભ લીધો હોવાનું રમત ગમત વિકાસ અધિકારી કિરણ પટેલ જણાવ્યું હતું.
સ્વિમિંગપુલ મા પ્રવેશ માટેના અગાઉ 1000 ફોર્મ વહેંચાયા હતા. જેમાં થી 800 ફોમૅ ભરી ને પરત આવ્યા છે. જે પૈકી મોટા ભાગના તરણબાજ મહિલાઓ, પુરૂષો અને બાળકો એ પ્રથમ દિવસે જ સ્વિમિંગપુલ નો લાભ લઈ આનંદ વ્યકત કર્યો હતો.
અહેવાલ યશપાલ શ્યામી