સાયબર ફ્રોડ ના ગુનામાં નાગરિકોને સામાજિક અને આર્થિક નુકસાન ન થાય તે માટે ગુજરાત પોલીસનો નવતર નિર્ણય..

સાયબર ફ્રોડના બનાવો અટકાવવા જાહેર જનતા
માં જનજાગૃતિ લાવવા પાટણ જિલ્લા પોલીસની અપીલ…

પાટણ તા. 2
વધતા જતા સાયબર ક્રાઈમ ના ગુનાઓને ડામી દેવા અને સાઇબર ક્રાઇમના બનતાં ગુનાની તપાસ દરમ્યાન ભોગ બનનાર અરજદાર ને રાહત મળે તેવો નવતર નિર્ણય ગુજરાત પોલીસ દ્વારા અમલ માં મુકવામાં આવ્યો છે. ત્યારે ગુજરાત પોલીસ ના આ નવતર નિર્ણય થી લોકો માહિતગાર બને તે માટે પાટણ જિલ્લા પોલીસ અધિક્ષક દ્રારા શુક્રવારે જિલ્લા પોલીસ વડા ની કચેરી ખાતે ના કોન્ફરન્સ હોલ માં પાટણ ના ઈલેક્ટ્રોનિક તેમજ પ્રિન્ટ મીડિયા ના પત્રકારો ની પ્રેસ બેઠક યોજી માહિતી પ્રદાન કરવામાં આવી હતી.

પાટણ જિલ્લા પોલીસ અધિક્ષકે સાયબર ક્રાઈમ ના ભોગ બનેલા લોકો ને રાહત મળે તે માટે ગુજરાત પોલીસ દ્વારા અમલમાં મુકેલ નવતર નિર્ણય બાબતે જણાવ્યું હતું કે કોઈ વ્યક્તિ સાયબર ક્રાઈમ નો ભોગ બને છે અને તેના ખાતામાં રૂ. 5 લાખ સુધીની રકમ જમા છે ત્યારે સાઈબર ક્રાઈમ નો ભોગ બનનાર વ્યક્તિ ના ખાતા માથી ઉપડી ગયેલ રકમ પૈકી ખાતામાં પડેલી અન્ય રકમ પહેલા સિઝ કરવા માં આવતી હતી જે રકમ સિઝ નહિ કરતાં ભોગ બનનાર વ્યકતિ પોતાના ખાતામાં વધેલી રકમ ની લેતી દેતી કરી શકે તે માટે નો ગુજરાત પોલીસ દ્વારા નિર્ણય કરાયો છે.

તો રૂ.5 લાખથી વધુ હશે અને તે વ્યક્તિ સાથે સાઈબર ક્રાઈમ નો બનાવ બનશે તો તે વ્યક્તિ ના ખાતાની તમામ રકમ સીઝ કરવાનો નિર્ણય ગુજરાત પોલીસ દ્વારા અમલમાં મૂકવામા આવ્યો હોવાનું જણાવી સાઈબર ક્રાઈમ ની ફરિયાદ ની પોલીસ દ્વારા ત્વરિત તપાસ કરવામાં આવતી હોવાનું તેઓએ જણાવી વષૅ 2022 થી વષૅ 2024 ના સમય દરમ્યાન પાટણ જિલ્લામાં સાયબર ક્રાઈમ નો ભોગ બનેલા વ્યકિતઓના કુલ રૂ. 46,44,607 ની રકમ ગયેલ તે પૈકી સાયબર ક્રાઈમ ની ફરિયાદ નોધાતા પોલીસે વોલેટ મારફતે રૂ. 33,71,217 ની રકમ પરત અપાવી હોવાનું જણાવ્યું હતું. જયારે જિલ્લામાં કોટૅ આધારે બેક મારફતે કુલ રૂ. 81, 57, 963 માથી રૂ. 43,17,867 ની રકમ કોટૅ મા સબમિટ કરાવવામાં આવી છે અને રૂ. 15,63,967 પરત અપાવવામાં આવી હોવાનું તેઓએ જણાવ્યું હતું.

આ સાથે સાયબર પોલીસ દ્વારા પાટણ જિલ્લામાં તમામ શાળાઓ,કોલેજો, યુનિવર્સિટીઓ, પંચાયતી રાજ, સંસ્થાઓ, નગર પાલિકાઓ, એનજીઓ જેવા અલગ અલગ વિભાગના અધિકારીઓને સાથે રાખીને સાયબર ક્રાઇમની જાગૃતતા માટે સાયબર ક્રાઈમ અવરનેશ સેમિનારના પણ આયોજન કરવામાં આવે છે.

જે અંતર્ગત વર્ષ 2023- 24 માં 20 જેટલા અવરને શ સેમિનાર ના આયોજન કરાયા હોવાનું તેઓએ જણાવ્યું હતું. તેઓએ સાયબર ફોડ નો ભોગ બનનાર વ્યક્તિને તાત્કાલિક સાયબર ક્રાઇમ હેલ્પ લાઇન નંબર 1930 ઉપર કોલ કરવા અથવા તો સાયબર ક્રાઇમ ની વેબસાઈટ ઉપર ઓનલાઈન અરજી કરી નજીકના પોલીસ સ્ટેશન તથા સાયબર ક્રાઇમ પોલીસ સ્ટેશન પાટણ પોલીસ અધિક્ષકની કચેરી, સિદ્ધપુર ચાર રસ્તા નજીક સંપર્ક કરવા તેઓએ જણાવ્યું હતું.

અહેવાલ યશપાલ સ્વામી