પાટણ યુનિવર્સિટી ના એન એસ એસ વિભાગ દ્વારા યુવા સંવાદ કાર્યક્રમ યોજાયો..

પાટણ તા. ૯
પાટણ હેમચંદ્રાચાર્ય ઉત્તર ગુજરાત યુનિવર્સિટીના એન એસ એસ વિભાગ દ્વારા “યુવા સંવાદ” કાર્યક્રમનું આયોજન યુનિવર્સિટી કન્વેન્શન હોલ ખાતે કરવામાં આવ્યું હતું. પાટણ સ્થિત હેમચંદ્રાચાર્ય ઉત્તર ગુજરાત યુનીવર્સીટી ના કન્વેન્શન હોલમાં એન એસ એસ વિભાગ આયોજિત “યુવા સંવાદ” કાર્યક્રમમાં ભોપાલ સ્થિત એન આઈ ટી ના નિવૃત પ્રાધ્યાપક અને પ્રજ્ઞાપ્રવાહના અખિલ ભારતીય સદસ્ય સદાનંદ સપ્રેજી એ વિવિધ વિભાગોમાં અભ્યાસ કરતા યુવા વિદ્યાર્થીઓને સંબોધીત કરતાં જણાવ્યું હતું કે, ૧૯૪૭ પછી ભારતને આઝાદી મળી છે.

ત્યારે આજનો યુવા સ્વાભાવિક રીતે આઝાદ ભારતનો સ્વતંત્ર નાગરિક છે. વિશ્વભરમાં ભારતનું ગૌરવ એ પણ છે કે તે યુવા દેશ છે. સૌથી વધુ યુવાનોના દેશમાં યુવા વિચાર હોવા અને તે વિચારો અનુરૂપ શાસન, શિક્ષણ, અને સંસ્કાર હોય ત્યારે તે દેશ વિકાસશીલ થી વિકસિત રાષ્ટ્ર તરફ આગળ વધે છે. પરંતુ તેના માટે યુવાનોએ ચંદ્રશેખર આઝાદ, ખુદીરામ બોઝ, સ્વામી વિવેકાનંદ કે ડો. અબ્દુલ કલામ જેવા મહાન વ્યક્તિઓના જીવનચરિત્ર વાચી તેનો આત્મસાક્ષાત્કાર કરવો જોઈએ તેમ જણાવ્યું હતું.

આ પ્રસંગે યુનિવર્સિટીના રજીસ્ટ્રાર ડો.રોહિતભાઇ દેસાઈએ જણાવ્યું હતું કે, આજે સરકારે અનેક યોજનાઓ થકી યુવાધન સ્ટાર્ટ અપ, સ્ટેન્ડ અપ તરફ આગળ વધે તે માટે સુવિધાઓ પૂરી પાડે છે ત્યારે હવે યુવાનો એ નવા ઇનોવેશન આઈડિયા સાથે આગળ આવીને રોજગાર સર્જન કરવાની જરૂર છે.

આ પ્રસંગે યુનીવર્સીટીના કુલપતિ પ્રો કે સી પોરીયાએ જણાવ્યું હતું કે, સ્વામી વિવેકાનંદજી એ 37 વર્ષે વિદેશમાં ભારત શું છે તે પ્રસ્તાપિત કર્યું હતું માટે વ્યક્તિ નહિ વ્યક્તિત્વ ઘડવું જરૂરી છે તેવું જણાવ્યું હતું. આ કાર્યક્રમમાં એન એસ એસ વિભાગના કો.ઓર્ડીનેટર કમલેશભાઈ ઠક્કર, વિવિધ વિભાગો ના અધ્યક્ષ, પ્રાધ્યાપકો તેમજ મોટી સંખ્યામાં યુવા વિદ્યાર્થી ઉપસ્થિત રહ્યા હતા.

અહેવાલ યશપાલ સ્વામી