પાટણ તા. ૨૨
પાટણના રિજિયોનલ સાયન્સ સેન્ટર ખાતે તારીખ 22 મે 2024ના રોજ ધોરણ 6 થી 9 માટે ત્રિદિવસીય સમર સાયન્સ કેમ્પ ના પ્રારંભ ના પ્રથમ દિવસની ભવ્ય શરૂઆત કરવામાં આવી હતી. જેમાં 6 જિલ્લાની 21 શાળાઓ માંથી વિદ્યાર્થીઓએ નોંધણી કરાવેલ હોય પ્રથમ દિવસના કેમ્પમાં 30 વિદ્યાર્થીઓની પસંદગી કરવામાં આવી હતી.
સમર સાયન્સ કેમ્પમાં STEM (સાયન્સ, ટેક્નોલોજી, એન્જિનિયરિંગ અને મેથેમેટિક્સ) આધારિત વિવિધ સાયન્ટિફિક વર્કશોપ અને એક્ટિવિટીઓ સાથે સાયન્ટિફિક-શો નું આયોજન કરેલ હતું જેમાં સાયન્સ સેન્ટર ની વિઝિટ, ડ્રોન ટેક્નોલોજી અને ગેલેરી આધારિત વર્કશોપ, ડો વિક્રમસારાભાઈ અને ડો એ.પી.જે અબ્દુલ કલામ વિશે ડોક્યુમેન્ટરી -શો, વૈજ્ઞાનિક,ચિત્રકામ વર્કશોપ સાથે રમત-ગમત માં ખો-ખો અને ઇન્ડોર ક્રિકેટ નો સમાવેશ થાય છે.
કાર્યક્મ ની શરૂઆત સાયન્સ સેન્ટર ના પ્રોજેક્ટ ડાયરેક્ટર ડો. સુમિત શાસ્ત્રી દ્વારા કરવામાં આવી હતી.
તેમને સહભાગીઓને સાયન્સ સેન્ટરની વિવિધ ગેલેરીઓ વિશે, સમર સાયન્સ કેમ્પ ના મહત્વ વિશે તથા આ એક્ટિવિટીઓ માં ભાગ લેવાથી શું ફાયદા થાય તેના વિશે માહિતી આપી હતી. સમર સાયન્સ કેમ્પ ના પ્રથમ દિવસે વિદ્યાર્થીઓએ વિવિધ એક્ટિવિટીઓમાં જોડાઈ ને ખુબજ આનંદ વ્યકત કર્યો હતો.
અહેવાલ યશપાલ શ્યામી
