પાટણમાં દેવીપૂજક પરિવારોએ પોતાના સ્વજનોની સમાધી સ્થાનકે તેઓની યાદમાં હૈયાફાટ રૂદન કરી દિવાસો મનાવ્યો..

ગુજરાત સહિત અન્ય રાજયોમાં વસવાટ કરતા દેવીપૂજકોએ દિવાસા નિમિત્તે પાટણ આવી પોતાના સ્વજનોની સમાધિ પર શ્રદ્ધાંજલિ સમર્પિત કરી…

પાટણ તા. ૩
પાટણ શહેરમાં દર વર્ષની જેમ આ વર્ષે પણ સમસ્ત દેવીપુજક સમાજ દ્વારા અષાઢવદ ચૌદશના દિવસને દિવાસાના દિવસ તરીકે ઉજવવામાં આવ્યો હતો.આ પ્રસંગે ગુજરાત સહિત અન્ય રાજયોમાં વસવાટ કરતા દેવી પુજક સમાજના પરિવારજનોએ પાટણ ખાતે આવી સમાજના હડકમાઈ મંદિર પાસે આવેલ દેવીપુજક સમાજની સ્મશાનભુમિમાં અને પીતાંબર તળાવ પાસે આવેલ સ્મશાનભુમિમાં પોતાના સ્વર્ગસ્થ સ્વજનોને હૈયાફાટ રૂદન સાથે યાદ કરી શ્રધ્ધા સુમન સમર્પિત કરતા દેવીપૂજક સમાજના સ્મશાન ભૂમિ ના વાતાવરણમાં ગમગીની છવાઈ જવા પામી હતી.

પાટણ સહિત ગુજરાત અને દેશના અન્ય રાજયોમાં વસવાટ કરતા દેવીપૂજક સમાજના હજારો લોકોની ઉપસ્થિત વચ્ચે વર્ષો ની પરંપરા અનુસાર ઉજવાતા દિવાસા ના પવૅની ઉજવણી કરવા પાછળનો મુખ્ય ઉદેશ પાટણ શહેરમાં મોટાભાગના દેવીપુજક સમાજના લોકોના સ્વજનોની અંતિમક્રિયા પાટણ શહેરમાં આવેલી દેવીપુજક સમાજની સ્મશાનભુમિમાં કરવામાં આવેલ હોય જેથી દેશ અને દુનિયા માં કોઈ પણ જગ્યાએ વસવાટ કરતો દેવીપુજક સમાજ અષાઢ વદ ચૌદસના દિવસે એટલે કે દિવાસાના દિવસે હજારો ની સંખ્યામાં પાટણ ખાતે એકત્ર થઇ તેમના પરિવારમાં મૃત્યુ પામેલા નાના મોટા સૌ સ્વજનોની સમાધી સ્થાનકે તેઓની યાદમાં હૈયાફાટ રૂદન કરી સ્વ.ના આત્માની શાંતિ માટે પ્રાર્થના કરી શ્રદ્ધાંજલિ સમર્પિત કરતા હોય છેઆ પાવનકારી તહેવારને દેવીપૂજક સમાજના લોકો દિવાસાના દિવસે તરીકે મનાવે છે.

દેવીપુજક સમાજના લોકો હજારોની સંખ્યામાં એકત્ર થઈ વહેલી સવારથી જ પોતાના સ્મશાનભુમિમાં પોતાના સ્વજનોની સમાધિ સ્થાનકે અગરબત્તી અને દિવા કરી, ફુલહાર ચઢાવી અને નાળીયેર વધેરી પોતાના સ્વજનોને ભાવતી ચીજવસ્તુઓ મુકી શ્રદ્ધાંજલિ આપવામાં આવતા સમગ્ર સ્મશાન ભૂમિનું વાતાવરણ ગમગીન બન્યું હતું. શ્રદ્ધાંજલિના પ્રસંગ બાદ સમગ્ર દેવીપુજક સમાજના લોકોએ આ દિવાસા ના પવિત્ર દિવસને ધાર્મિકરૂપે તહેવારના રૂપે ઉજવી પોતાના દુરદુરથી આવેલા સ્વજનો ઘરે જઈને મુલાકાત લીધી હતી.

દેવીપૂજક સમાજના વિવિધ સંગઠનો અને પાલિકાતંત્ર દ્વારા હજારોની સંખ્યામાં પાટણ ખાતે ઉપસ્થિત સમાજ ના લોકો માટે પાણી અને નાસ્તાની વ્યવસ્થા ઉપલબ્ધ બનાવવામાં આવી હતી.તો દીવાસાના પર્વની ઉજવણી દરમિયાન કોઈ અનિચ્છનીય ઘટના ન ઘટે તે માટે પાટણ પોલીસ દ્વારા પણ ચુસ્ત પોલીસ બંદોબસ્ત ગોઠવવામાં આવ્યો હતો. સમાજના આગેવાન અને નગર પાલિકા ના પૂર્વ પ્રમુખ દિનેશ પટ્ટણીએ આ પ્રસંગે જણાવ્યુ હતુ કે દેવીપુજક સમાજ સ્વ. મૃતક સ્વજનોને યાદ કરવાનો આ દિવાસાનો તહેવાર માં દેશભરમાં દેવીપૂજકો ગમે ત્યાં રહેતા હોય પણ મૃતકો અસ્થી કુંભ પાટણ ખાતે લાવતા હોય તેથી પહેલો દિવાસો પાટણમાં થાય છે અને અષાઢ વદ અમાસને દિવસે પોત પોતાના વતનમાં આ પર્વની ઉજવણી કરે છે.

ગુજરાત ભર માંથી 30 થી વધુ ખાનગી બસો મારફતે વહેલી સવાર થીજ તેઓ પાટણ આવી પહોંચ્યા હતા ત્યાંથી પટણી સમાજ ના સ્મશાન ગૃહ માં પોતાના સ્વજનોને શ્રદ્ધાજલી આપવા આવી હતી.તો મુંબઈ થી શ્રદ્ધાજલી આપવા માટે આવેલા આકાશ સંજય ભાઈ પટ્ટણી એ જણાવ્યું હતું કે આજના દિવસે અમે મુંબઈ થી આવ્યા છીએ આ અમારુ પાટણ એટલે મૂળ ગામ જ્યાં અમારા પૂર્વજોના પૂર્વજોએ જન્મ લીધો છે અને જ્યાંથી આખા દેશમાં દેવીપૂજક સમાજ ફેલાયો છે.જેમાંથી અમે મુંબઈ રહીએ છીએ અને અમારા કાકા અને કાકી નો આ પહેલો દિવસો છે એટલે અમે અમારો આખો 60 થી વધુ લોકો નો પરિવાર પાટણ ખાતે શ્રધ્ધાંજલિ આપવા માટે આવ્યા છીએ.અહીં દુનિયા ના કોઈ પણ જગ્યાએ રહેતા હોય પણ પ્રથમ દિવસો હોવાથી શ્રદ્ધાજલી આપવા માટે પાટણ આવતા હોવાનું તેઓએ જણાવ્યું હતું

અહેવાલ યશપાલ સ્વામી