પાટણ તા. ૪
પાટણ જિલ્લાના સરસ્વતી તાલુકાના અજીમાણા પ્રાથમિક શાળા ખાતે બાળકોની સુષુપ્ત શક્તિને નિખારવા લાઈફ સ્કીલ બાળમેળાનું આયોજન કરવામાં આવ્યું હતું.
શાળા સંકુલ ખાતે આયોજિત કરાયેલા આ બાળ મેળા દ્વારા બાળકો માં જીવન ઉપયોગી કૌશલ્યોનો વિકાસ થાય તે માટે ટાયર પંચર, ફાયર સેફ્ટી, કૂકર ઉપયોગ વગેરે તેમજ બાળકો અને સ્ટાફ ના સહકાર થી આરોગ્ય પ્રદ પાણીપૂરી, બટાકા ભૂંગળા જાતે બનાવી સ્ટોલ ઉપર વેચાણ કરી તમામ બાળકોએ આનંદ માણી કોઈ પણ વાનગી બહારની નહી પણ ઘરની બનાવીને ખાવાની સમજ કેળવી હતી.
અજીમણા પ્રાથમિક શાળા ખાતે આયોજિત કરાયેલા બાળમેળા ના આયોજન ને સફળ બનાવવા સમગ્ર શાળા પરિવારે જહેમત ઉઠાવી હતી.
અહેવાલ યશપાલ સ્વામી
