પાટણ તા. ૪
પાટણ જિલ્લાના ચાણસ્મા તાલુકાના ગંગાપુરા ગામના અને છેલ્લા ૧૮ વષૅથી ભારતીય સૈન્ય માં ફરજ પૂર્ણ કરી પોતાના માદરે વતન આવતા સમસ્ત ગ્રામજનોએ ડીજે ના તાલે ભવ્ય સ્વાગત સન્માન સાથે સામૈયું કરી હષૅ ના આસુ સાથે ગૌરવની લાગણી અનુભવી હતી.
ચાણસ્માના ગંગાપુરા ગામના ચૌધરી ભરતભાઈ એ ભારત દેશની રક્ષા કાજે દેશની સરહદ ઉપરા પોતા ની જિંદગી ના ૧૮ વર્ષ ન્યોછાવર કરી પોતાની દેશ સેવાની અવધિ પુણૅ થતાં રવિવારે પોતાના માદરે વતન ગંગાપુરા ખાતે પધારતા સમસ્ત ગંગાપુરાના ગામ વાસીઓએ તેઓનુ ડીજે ના તાલે ભવ્ય સ્વાગત કરવામાં આવ્યું હતું
ભારતના સૈન્ય જવાનનું ગામ લોકો દ્વારા સ્વાગત સન્માન કરવા પાછળનું કારણ ગામના અન્ય યુવાનો પણ દેશની રક્ષા કાજે ફોજમાં જોડાઈ અને ભારત દેશની રક્ષા કરવા સક્ષમ બને તેમજ સર્વિસ પૂરી કરીને આવે ત્યારે તેઓને પણ ગ્રામજનો દ્રારા આવી જ રીતે ફૂલહાર તેમજ સાલ ઓઢાડીને ડીજે ના તાલે સન્માન કરે તે રહેલ હોવાનું ગ્રામજનો એ જણાવ્યું હતું.
અહેવાલ યશપાલ સ્વામી