પાટણ તા. ૬
તાજેતરમાં યોજાયેલી રાજયની ઓપન કરાટે ચેમ્પીયનશિપમાં સિલ્વર મેડલ સાથે દ્વિતીય ક્રમે વિજેતા બનનાર વીણા સોનીએ પાટણ શહેર સહિત સોની સમાજનું ગૌરવ વધાર્યું છે. પાટણમાં વકીલાતનો વ્યવસાય કરતાં સમીરભાઇ સોની અને રીષીતાબેન સોનીની દિકરી વીણા સોની વિવિધ રમતોમાં પારંગત છે અને કરાટે તેનો આગવો શોખ રહ્યો છે. શહેરના મ.કા. જીમખાનામાં તૈયાર થયેલી વીણા સોનીએ તાજેતરમાં યોજાયેલી રાજયની કરાટે ચેમ્પીયનશીપ માં ભાગ લઇ ઉજ્જવળ દેખાવ કરી સિલ્વર મેડલ સાથે બીજો નંબર પ્રાપ્ત કર્યો છે. વીણા સોનીએ પોતાની નાની વય મા જ પોતાના સ્વરક્ષણ માટે ખૂબ જ ઉપયોગી એવા કરાટેના દાવપેચમાં શ્રેષ્ઠતા હાંસલ કરતા માતા-પિતા, દાદા- દાદી સહિત સમસ્ત શ્રીમાળી સોની સમાજે ગૌરવની લાગણી વ્યકત કરી વીણા સોની ને અભિનંદન પાઠવી તેણી રમત ગમત ક્ષેત્રમાં ઉજજવળ કારકિર્દી પ્રાપ્ત કરે તેવી અભિલાષા વ્યકત કરી હતી.
અહેવાલ યશપાલ સ્વામી
