પાટણ તા. ૧૨
પાટણની અગ્રવાલ હોસ્પિટલના ગાયનેક તબીબ ડો.અતુલ અગ્રવાલ અને આર્ટસ કોલેજ, પાટણના પ્રોફેસર ડો.શીતલબેન અગ્રવાલ ના સુપુત્ર ડો. સાહિલ અગ્રવાલ કે જેઓ હાલમાં નડિયાદ મુકામે આવેલી અને સમગ્ર ભારતભર માં પ્રખ્યાત “મૂળજી ભાઈ પટેલ યુરોલોજી હોસ્પિટલ” માં ડી.એન.બી યુરોલોજી (સુપર સ્પેશિયાલિટી) વિભાગના છેલ્લા વર્ષમાં અભ્યાસ કરે છે. તેમણે તાજેતરમાં સપ્ટેમ્બર ૨૦૨૪ માં “યુરોલોજી એસોસિએશન ઓફ એશિયા” ના નેજા હેઠળ ઇન્ડોનેશિયા ના બાલી મુકામે યોજાયેલ આંતરરાષ્ટ્રીય કોન્ફરન્સમાં ભાગ લીધો હતો અને તેમાં પોતાનું વિડીયો, પોસ્ટર અને રિસર્ચ પેપર પ્રસિદ્ધ કરી નાની ઉંમરે આંતરરાષ્ટ્રીય સિદ્ધિ પ્રાપ્ત કરી પાટણનું ગૌરવ વધારેલ છે.આ કોન્ફરન્સમાં ભારત સહિત ૫૪ જેટલાદેશોના અંદાજે ૩૦૦૦ ઉપરાંત ખ્યાતનામ યુરોલોજીસ્ટ તબીબોએ ભાગ લીધો હતો.
અહેવાલ યશપાલ સ્વામી
