પાટણ મામલતદાર કચેરી ખાતે ૭૮ માં સ્વાતંત્ર પર્વની ઉજવણી કરાઈ..

પાટણ મામલતદારના વરદ હસ્તે ધ્વજવંદન કરી તિરંગા ને સલામી આપવામાં આવી..

પાટણ તા. ૧૫
પાટણ મામલતદાર કચેરી ખાતે ૭૮ માં સ્વાતંત્ર દિન પ્રસંગે મામલતદાર ડી.કે.રાજપાલ ના વરદ હસ્તે ધ્વજવંદન કરી તિરંગા ને સલામી આપવામાં આવી હતી. પાટણ મામલતદાર કચેરી ખાતે આયોજિત સ્વાતંત્ર પર્વની ઉજવણીના આ કાર્યક્રમમાં પાટણ શહેર તેમજ પાટણ તાલુકા મામલતદાર કચેરીના તમામ નાયબ મામલતદારો તેમજ સ્ટાફ પરિવારે ઉપસ્થિત રહી સ્વતંત્રતા પર્વને યાદગાર બનાવ્યો હતો. પાટણ મામલતદાર રાજપાલે યુવાનો ને વ્યસનો ના દૂષણોથી દૂર રહેવા તેમજ દેશભક્તિ માટે આગળ આવવા આહવાન કરી દેશના વિકાસમાં બહુમૂલ્ય ફાળો આપવા અપીલ કરી હતી. દેશભક્તિના આ પવૅ મા ઉપસ્થિત સૌએ એક બીજા નું મો મીઠું કરાવી ૭૮ માં સ્વાતંત્ર્ય પર્વની ઉજવણીને યાદગાર બનાવી હતી.

અહેવાલ યશપાલ સ્વામી