અજીમણા પ્રાથમિક શાળા ખાતે 78 મા સ્વાતંત્ર્ય પર્વની ઉજવણી કરવામાં આવી..

શાળા ખાતે ધ્વજ વંદન બાદ દેશભક્તિ ના કાર્યક્રમ યોજાયા..

પાટણ તા. 15
15 મી ઓગસ્ટ 78 માં સ્વાતંત્ર પર્વની સમગ્ર પાટણ જિલ્લામાં દેશ ભક્તિના વાતાવરણ વચ્ચે ઉજવણી કરવામાં આવી હતી. ત્યારે પાટણ સમીપ આવેલા અજીમણા ગામે પ્રાથમિક શાળામાં ધ્વજ વંદન સહિત દેશભક્તિના કાર્યક્રમો યોજવામાં આવ્યા હતા.

અજીમણા પ્રાથમિક શાળા ખાતે શાળાના આચાર્ય રમેશભાઈ દેસાઈના વરદ હસ્તે દેશની આન, બાન અને શાન સમા તિરંગા ને લહેરાવ્યા બાદ સલામી આપી દેશભક્તિના કાર્યક્રમોનો પ્રારંભ કરવામાં આવ્યો હતો. આ પ્રસંગે પ્રાથમિક શાળાના સ્ટાફ પરિવાર સહિત ગ્રામજનો એ મોટી સંખ્યામાં ઉપસ્થિત રહી સ્વાતંત્ર પર્વની ઉજવણીને યાદગાર બનાવી હતી.

અહેવાલ યશપાલ સ્વામી