પાટણના જુના પાવર હાઉસ માગૅ પરથી બાઈક લઈને પસાર થઈ રહેલા પ્રજાપતિ યુવાનને ચાલુ બાઈકે હાર્ટ એટેકનો હુમલો આવતા ઢળી પડ્યો..

108 દ્વારા પાટણ સિવિલ હોસ્પિટલ ખાતે સારવાર માટે લવાતા ફરજ પરના તબીબે યુવાનને મૃત જાહેર કરતા પરિવારમાં શોક છવાયો..

પાટણ તા. ૨૯
છેલ્લા કેટલાક સમયથી પાટણ શહેર અને જિલ્લા
માં યુવાનોમાં હાર્ટ એટેકનું પ્રમાણ વધ્યું હોય તેમ અવાર નવાર નવ યુવાનો હાર્ટ એટેક ના કારણે મૃત્યુ પામતા હોવાના કિસ્સા પ્રકાશમાં આવી રહ્યા છે.

ત્યારે ગુરૂવારે બપોર ના સમયે શહેર ના જુના પાવર હાઉસ માગૅ પરથી બાઈક લઈ પસાર થઇ રહેલા પાટણ શહેરના ખોખરવાડા વિસ્તારમાં રહેતા અને દરજીકામ સાથે સંકળાયેલા રાકેશભાઈ પ્રવીણ ભાઈ પ્રજાપતિ ઉ. વ. ૪૦ ને ચાલુ બાઈક પર છાતી મા અસહ્યં દુખાવો થતાં તેઓ ચાલું બાઈક સાથે રોડ પર પટકાયા હતાં જે બનાવની જાણ આજુ બાજુ ના રહીશો સહિત માગૅ પરથી પસાર થતાં રાહદારીઓ અને વાહન ચાલકો ને થતાં તેઓએ તાત્કાલિક 108 એમ્બ્યુલન્સ ને જાણ કરતાં 108 ના પાયલોટ જયરાજસિંહ અને ઈએમટી એ ધટના સ્થળે પહોંચી પ્રજાપતિ યુવાન ને પાટણ સિવિલ હોસ્પિટલ ખાતે સારવાર અર્થે ખસેડવામાં આવ્યો હતો

જયાં ફરજ પરના તબીબી પ્રજાપતિ યુવાનને મૃત જાહેર કરતાં અને આ બનાવની જાણ તેના પરિવારજનોને કરી લાશને પીએમ માટે સિવિલ હોસ્પિટલ ના પીએમ રૂમ માં ખસેડવામાં આવી હતી.
બનાવ ના પગલે સિવિલ હોસ્પિટલ ખાતે દોડી આવેલા પરિવારના આક્રંદ ને લઇ ને વાતાવરણ ગમગીન બનવા પામ્યું હતું.

પાટણ શહેર સહિત સમગ્ર પંથકમાં છેલ્લા કેટલાક સમયથી યુવાનોમાં હાર્ટ એટેકનું પ્રમાણ વધી રહ્યું હોય જેને લઇને યુવાનોમાં પણ ફફડાટ વ્યાપેલ જોવા મળી રહ્યો છે.

અહેવાલ યશપાલ સ્વામી