પાટણ ની સમરસ કુમાર અને કન્યા છાત્રાલયમાં 78 માં સ્વતંત્રતા દિવસની ઉજવણી કરવામાં આવી…..

અનુસૂચિત જાતિ કલ્યાણ કચેરી પાટણ જિલ્લા નાયબ નિયામક પી. ડી. સરવૈયાની ઉપસ્થિત માં 78 માં સ્વતંત્રતા દિવસ નિમિત્તે ધ્વજ વંદન સાથે દેશભક્તિ સાંસ્કૃતિક કાર્યક્રમ યોજાયો…..

પાટણ તા. ૧૫
પાટણ જિલ્લાની સમરસ કુમાર અને કન્યા છાત્રાલય માં 78 માં સ્વતંત્રતા દિવસ નિમિત્તે ધ્વજ વંદન કાર્યક્રમ અને સાંસ્કૃતિક કાર્યક્રમની ઉજવણી કરવામાં આવી હતી. જેમાં મુખ્ય મહેમાન તરીકે નાયબ નિયામક પી. ડી. સરવૈયા ઉપસ્થિત રહ્યા હતા. તેમજ મદદનીશ સમાજ કલ્યાણ અધિકારી ટી. એચ. ચૌહાણ સહિત બંને હોસ્ટેલના વોર્ડન નિલેશ ભાઈ સોલંકી અને પૂજાબેન સાધુ ઉપસ્થિત રહ્યા હતા.

78 માં સ્વતંત્રતા દિવસ નિમિત્તે કાર્યક્રમ દરમિયાન સાંસ્કૃતિક ઉજવણીમાં દેશભક્તિ ગીત, દેશભક્તિ ડાન્સ સ્પીચ અને ક્વિઝનું આયોજન કરવામાં આવ્યું હતું અને આ કાર્યક્રમમાં છાત્રાલયના વિદ્યાર્થીઓ અને વિદ્યાર્થિનીઓએ ઉત્સાહપૂર્વક ભાગ લીધો હતો. આ સમગ્ર કાર્યક્રમનું સંચાલન મહેન્દ્ર સોલંકી અને પૂજા આહીર દ્વારા કરવામાં આવ્યું હતું કાર્યક્રમમાં ભાગ લીધેલ તમામ વિદ્યાર્થી ઓને સમરસ છાત્રાલય દ્વારા પ્રમાણપત્ર આપવામાં આવ્યું હતું.

અહેવાલ યશપાલ સ્વામી