ચાણસ્મા તાલુકાના સુણસર ગામે માર્ગ પરના ગેર કાયદેસર ના દબાણો દુર કરવા ગ્રામજનો મા માગ ઉઠી..

તાલુકા વિકાસ અધિકારી અને તલાટી કમ મંત્રીને લેખિત રજૂઆત કરવામાં આવી..

પાટણ તા. ૧૭
ચાણસ્મા તાલુકાના સુણસર ગામના હિગળાજપુરા થી માઢપાટી ના માઢ થઈ ને મેરવાડા તરફ જવાના માર્ગ પર દબાણો નો રાફડો ફાટ્યો હોય જેને કારણે આ માગૅ પરથી પસાર થતાં રાહદારીઓ અને વાહન ચાલકો ને હાલાકી ભોગવવી પડતી હોય આ માગૅ પરના ગેરકાયદેસર ના દબાણો દુર કરી માગૅ ખુલ્લો કરવાની માગ સાથે ગ્રામજનોએ તલાટી કમ મંત્રી ને શનિવારે લેખિતમાં રજુઆત કરી હોવાનું જાણવા મળ્યું છે.

આ દબાણ મામલે તલાટી કમ મંત્રી ને કરાયેલ લેખિત રજૂઆત મા જણાવ્યું હતું કે છેલ્લા કેટલાક સમયથી હિગળાજપુરા થી માઢપાટી ના માઢ થી મેરવાડા તરફ જવાના માર્ગ પર લોકો દ્વારા ઉકરડા સહિત બાવળ ની વાડો કરી માગૅ ને સાંકડો બનાવી રસ્તા પર પાણી નો બગાડ કરવામાં આવતો હોય જેના કારણે માગૅ પરથી પસાર થતાં વાહન ચાલકો સહિત રાહદારીઓ અને ગ્રામજનો ને મુશ્કેલીઓ ભોગવવી પડતી હોય આ દબાણ તાત્કાલિક દુર કરવા મામલે ગ્રામજનો દ્રારા તાલુકા વિકાસ અધિકારી સહિત તલાટી કમ મંત્રી ને શનિવારે લેખિત રજૂઆત કરી હોવાનું જાણવા મળ્યું છે.

અહેવાલ યશપાલ સ્વામી