પાટણ પ્રજાપતિ સમાજ પાટણ પરિવાર દ્વારા પાંચ મહાદેવ નો પવિત્ર યાત્રા પ્રવાસ યોજાયો..

વટેશ્વર, વિશ્વેશ્વર, બાલારામ, બાજોટીયા, ગંગેશ્વર મહાદેવ સહિત માં અંબાના દશૅન કરી પરિવારે ધન્યતા અનુભવી..

પાટણ તા. ૩
પવિત્ર શ્રાવણ માસના અંતિમ રવિવારે પાટણ પ્રજાપતિ સમાજ પાટણ પરિવાર દ્વારા પાંચ મહાદેવ ની પવિત્ર યાત્રા નું ભક્તિ મય માહોલ વચ્ચે આયોજન કરવામાં આવ્યું હતું.વહેલી સવારે પાટણ થી ભગવાન ભોળાનાથ ના જય જયકાર સાથે સ્પેશ્યલ લકઝરી બસમાં પરિવારના 65 જેટલા અબાલ,વૃધ્ધ અને યુવાનો એ શ્રી સિધ્ધપુરના વટેશ્વર મહાદેવ મંદિરે દશૅન કરી સિધ્ધપુર સર્કિટ હાઉસ ખાતે ગરમા ગરમ ગોટા, ફરાળી ચેવડો, ચા – કોફી નો નાસ્તો કરી શ્રી વિશ્વેશ્વર મહાદેવ ના દશૅન કરી શ્રી વિશ્વેશ્વર નદીના પવિત્ર વહેતાં નીર માં સ્નાન કરવાની મજા માણી જેસોર વન અભ્યારણ ખાતે મિષ્ટ ભોજન ગ્રહણ કરીશ્રી બાલારામ મહાદેવ,શ્રી બાજોટીયા મહાદેવ અને શ્રી ગંગેશ્વર મહાદેવ ના દશૅન કરી જગત જનની જગદંબા ના અંબાજી ખાતે આરતી-દશૅન નો લાભ લઈ મોદી ભુવન ખાતે હળવું ભોજન લઇ મોડી રાત્રે પરત પાટણ ફયૉ હતાં.

પાટણ પ્રજાપતિ સમાજ પાટણ પરિવાર દ્વારા પાંચ મહાદેવના પવિત્ર યાત્રા પ્રવાસને સફળ બનાવવા પરિવારના ચિંતનભાઈ પ્રજાપતિ, મહેશભાઈ દલવાડી, શાંતિભાઈ સ્વામી, યશપાલ સ્વામી, કનુભાઈ મિસ્ત્રી, ઈશ્વરભાઈ જય ભોલે, મુકેશભાઈ મિસ્ત્રી, ચેતનપ્રજાપતિ, સાગર પ્રજાપતિ,ગૌતમ પ્રજાપતિ,હર્નીશ પ્રજાપતિ,બકુલ પ્રજાપતિ, કલ્પેશભાઈ એન્જિનિયર સહિત ના સભ્યોએ સુંદર આયોજન સાથે જહેમત ઉઠાવી હતી.

અહેવાલ યશપાલ સ્વામી