સિધ્ધપુર ખાતે બલોચ પરિવાર ફાઉન્ડેશન દ્વારા ત્રણ જિલ્લા ના તેજસ્વી તારલાઓને સન્માનિત કરાયા..

પાટણ તા. ૮
સિધ્ધપુર ખાતે બલોચ પરિવાર ફાઉન્ડેશન ગ્રુપ દ્વારા રવિવારે મહેસાણા, બનાસકાંઠા, અને પાટણ જિલ્લાના બલોચ સમાજના તેજસ્વી તારલાઓના સન્માન કાર્યક્રમનું આયોજન ક્રોસ રોડ રેસ્ટોરન્ટ ખાતે કરવામાં આવેલ હતું. જેમાં ત્રણ જિલ્લાના કુલ 50 જેટલા વિદ્યાર્થીઓ ઉપસ્થિત રહ્યા હતા. એસ.એસ.સી., એચ.એસ.સી., સ્નાતક, અનુસ્નાતક,નીટ એમ.બીએ. એલ.એલ.બી. તેમજ આલીમ અને હાફિઝ એમ મળી કુલ 50 વિદ્યાર્થીઓનું સન્માન કરવામાં આવ્યું હતું.

સમારંભના અધ્યક્ષ સ્થાને હજરત મોલાના સલાઉદ્દીન સાહબ સિધ્ધપુરી તથા મુખ્ય મહેમાન પદે જનાબ યાસીન ખાન બલોચ પૂર્વ નિયામક, ખેત મંડળીઓ ગુજરાત રાજ્ય ગાંધીનગર. તેમજ પૂર્વ પ્રોફેસર જી.ડી. મોદી કોલેજ પાલનપુરના એ.ટી. સિંધી સાહેબ, વિદ્યામંદિર પાલનપુરના ઇન્ચાર્જ આચાર્ય ઇમરાનભાઈ મોગલ, એડનવાલા સ્કૂલ, સિધ્ધપુરના જે.ડી. મન્સૂરી, ઇસ્લામિક કલ્ચર સોસાયટી ગાંધીનગરના કાસમભાઇ, તેમજ બલોચ પરિવાર ફાઉન્ડેશન ગ્રુપના સદસ્યો ડો.ઉમરખાન પી. બલોચ, અયુબખાન બલોચ, કરીમખાન બલોચ, બલોચ હુસેન ખાન, એડવોકેટ, એચ.ડી.બલોચ, જમિયતખાન બલોચ, રબ્બાનીખાન બલોચ, રસુલખાન બલોચ વગેરેના હસ્તે આ તમામ વિદ્યાર્થીઓને ટ્રોફી , પ્રમાણપત્ર, સ્કુલ બેગ, વોટર બેગ, પેડ પેન અને સરકારની પર્યાવરણ અંગેની જાગૃતિ માટે એક પેડ માં કે નામ એ અંતર્ગત દરેક તેજસ્વી તારલા ને એક વૃક્ષ પણ આપવામાં આવેલ જે ઉછેરવા બધાએ પ્રતિજ્ઞા લીધેલ હતી. સમગ્ર કાર્યક્રમનું સંચાલન જિલ્લા શિક્ષણ અને તાલીમ ભવન, પાલનપુરના પૂર્વ લેક્ચરર ડો. ઉંમરખાન પી. બલોચે કરેલ હતું.

અહેવાલ યશપાલ સ્વામી