પાટણ તા. ૨૭
નામદાર કોટૅ મા સજા પામેલ અને પોલીસ પકડથી નાસતા ફરતા જુદી જુદી કોટૅના ત્રણ આરોપીઓને હારીજ પોલીસે ઝડપી લઈ કાયદેસરની કાર્યવાહી હાથ ધરી હોવાનું જાણવા મળ્યું છે. આ બાબતે મળતી હકીકત મુજબ આગામી લોકસભા ચુંટણી-૨૦૨૪ ને ધ્યાનમાં રાખીને જિલ્લા પોલીસ અધિક્ષક પાટણ દ્રારા કરાયેલ સુચના આધારે ના.પો.અધિ. રાધનપુર વિભાગનાઓના માર્ગદર્શન તથા સર્કલ પોલીસ ઇન્સપેક્ટર પી.જે.સોલંકી અને હારીજ પોલીસના માણસો હારીજ પો.સ્ટે વિસ્તારમાં નેગોશીયેબલ ઇન્સટ્રુમેન્ટ એકટ ૧૩૮ મુજબના કામે સજા પામેલા નાસતા ફરતા આરોપી પકડી પાડવા સારુ પ્રયત્નશીલ હતા તે દરમ્યાન મળેલ હકીકત આધારે અલગ અલગ મે.જી.સા.ની કોર્ટ મહેસાણા અને હિંમતનગરના નેગોશીયેબલ ઇન્સટ્રુમેન્ટ એકટ ૧૩૮ મુજબના કામના ત્રણ (૦૩) આરોપીઓને ઝડપી લઈ તમામ સામે આગળની ઘટીત કાર્યવાહી હાથ ધરતા પકડાયેલ આરોપી રાજેશભાઇ ગોવિંદભાઇ ચૌધરી રહે. દુનાવાડા તા. હારીજ જી. પાટણ, શક્તિસિંહ સતરસંગ વાઘેલા રહે.સરવાલ તા.હારીજ અને હસમુખભાઇ લક્ષ્મણભાઇ ચૌધરી રહે. દુનાવાડા તા. હારીજ જી. પાટણ વાળા હોવાનું જાણવા મળ્યું છે.
અહેવાલ યશપાલ સ્વામી
