પાટણ લાલભાઈ પાકૅ વિભાગ-૨ મા દુષિત પાણી મામલે રહીશોએ પાલિકા ગજવી..

પાલિકા ખાતે જવાબદાર અધિકારી કે પ્રમુખ હાજર ન હોય રહીશોએ સુત્રોચ્ચાર કરી પાલિકા કેમ્પસમાં ધામા નાખ્યાં..

ચીફ ઓફિસરે રહીશો ને બાહેધરી આપતાં મામલો શાંત પડ્યો.

પાટણ તા. ૯
પાટણ નગરપાલિકા તંત્ર શહેરીજનોને પ્રાથમિક સુવિધા પૂરી પાડવામાં સરેઆમ નિષ્ફળ નીવડી હોય તેવી પ્રતીતિ શહેરીજનો કરી રહ્યા છે. પાટણ શહેરના ગાયત્રી મંદિર વિસ્તારમાં આવેલા લાલભાઈ પાર્ક સોસાયટીના વિભાગ-2 માં રહેતા રહીશો છેલ્લા કેટલાક સમયથી દુષિત પાણીના પ્રશ્નને લઈને પારાવાર મુશ્કેલીઓ ભોગવી રહ્યા છે.

તો સમસ્યાના નિરાકરણ માટે રહીશો દ્રારા કલેકટર, પ્રાંત અને આરોગ્ય વિભાગ ને લેખિતમાં રજુઆત કરી રોગચાળો ફેલાઈ તે પહેલાં આ દૂષિત પાણી ની સમસ્યા દૂર કરવા રજુઆત કરી હોવા છતાં તંત્ર ના અધિકારીઓ દ્વારા પણ આજદિન સુધી આ સમસ્યા મામલે દુલક્ષ સેવાતા સોમવારે વિસ્તારની મહિલાઓ સહિત ના રહીશો એ પાલિકા ખાતે સતાધીશો ને રજુઆત કરવા આવી પહોંચ્યો હતાં.

પરંતુ પાલિકા ખાતે કોઈ અધિકાર કે પાલિકા પ્રમુખ હાજર ન હોય રહીશોએ પાલિકા વિરુદ્ધ સુત્રોચ્ચાર કરી પોતાનો રોષ વ્યક્ત કરી પાલિકા કેમ્પસમાં જ ધામા નાખતા પાલિકા નું વાતાવરણ ગરમાયું હતું. તો રહીશોએ જયાં સુધી પાલિકા ના જવાબદાર અધિકારીઓ કે પાલિકા પ્રમુખ તેઓની સમસ્યાનુ નિરાકરણ લાવવા નકકર કાયૅવાહી નહિ કરે ત્યાં સુધી પાલિકા ખાતે થી ટસ થી મસ થયા વિના ધામા નાખવાની ચિમકી ઉચ્ચારી પાલિકા વિરુદ્ધ સુત્રોચ્ચાર કયૉ હતાં.

જોકે શહેરના લાલભાઈ પાકૅ વિભાગ-૨ ના રહીશો પાલિકા ખાતે રજુઆત માટે આવ્યાં હોવાની જાણ ચિફ ઓફિસરને થતાં તેઓએ પાલિકા ખાતે આવી વિસ્તાર ના રહીશો સાથે વાટાઘાટો કરી જયા સુધી દુષિત પાણી ની સમસ્યાનું નિરાકરણ ન આવે ત્યાં સુધી પાણી ટેન્કર મારફતે પુરૂ પાડવામાં આવશે તેવી બાહેધરી ચિફ ઓફિસરે રહીશો ને આપતા રહીશો નો આક્રોશ શાત બન્યો હતો.

અહેવાલ યશપાલ સ્વામી