પાટણ જ્ઞાનમંદિર સ્કૂલ માં અભ્યાસ કરતી વિધાર્થીની ઓને ગભૉશય ના કેન્સર વિષે માહિતગાર કરાઈ..

ડો.નૈસર્ગિ પટેલે વિધાર્થીની ઓને આ કેન્સર અવરનેશ માટે માગૅદશૅન પુરૂ પાડયું..

પાટણ તા. ૨૨
રાષ્ટ્રીય શૈક્ષિક મહાસંઘ પ્રેરિત જ્ઞાનમંદિર સ્કૂલમાં સર્વાઇકલ કેન્સર અવેરનેસ કાર્યક્રમ ગુરૂવારે આયોજિત કરવામાં આવ્યો હતો. આ અવેરનેસ કાર્યક્રમ માં ગાયનેકોલોજીસ્ટ ડો.નૈસર્ગીબેન પટેલે સ્ત્રીઓમાં તથા બાળાઓમાં હ્યુમન પેપીલો મા વાયરસથી થતા સર્વાઇકલ કેન્સર એટલે કે ગર્ભાશયના મુખના કેન્સર વિશે તથા વિદ્યાર્થીનીઓમાં થતી ઘણી બધી શારીરિક તકલીફો વિશે માહિતી પ્રદાન કરી બાળાઓને ખુબ સરસ અને સહજ રીતે સર્વાઇકલ કેન્સર વિશેની તથા તેને નાબૂદ કરવા માટેની રસી વિશે થી માહિતગાર કર્યા હતા.

આજના આ ફાસ્ટ યુગમાં સર્વાઇકલ કેન્સરનો ફેલાવો ખૂબ જ વધવા લાગ્યો છે ત્યારે સમાજમાં પણ આ બાબતે જાગૃત કરવા આવા કાર્યક્રમો કરવા ખૂબ જરૂરી હોવાનું તેઓએ સુચન કયુઁ હતું. આ કાર્યક્રમને વેગ આપવા માટે રાષ્ટ્રીય શૈક્ષણિક મહાસંઘ પ્રાંત મહિલા મંત્રી અને સી.આર.સી કોર્ડીનેટર નાણાવટી સ્કૂલ ના ડો.હેમાંગીબેન પટેલે જહેમત ઉઠાવી કાર્યક્રમનું સુંદર આયોજન કરવામાં આવ્યું હતું. જ્ઞાનમંદિર હાઈસ્કૂલ ના આચાર્ય નિમેષભાઈ ત્રિવેદી તથા સ્ટાફ મિત્રોનો પણ સહકાર રહ્યો હતો.

અહેવાલ યશપાલ સ્વામી