ભાજપ સદસ્યતા અભિયાન 2024 ના પ્રદેશ સંયોજક કે. સી. પટેલે પ્લેયર્સ બોક્સ ક્રિકેટ નો પ્રારંભ કરાવ્યો..

પાટણ તા. ૨૭
પાટણના ક્રિકેટ રસીકો માટે શહેરના પદ્મનાભ ચાર રસ્તા નજીક નવીન બની રહેલા બી એ પી એસ સ્વામિનારાયણ મંદિર અને શ્રી બહુચર માતાજીના મંદિર સંકુલની બાજુમાં તૈયાર કરાયેલ પ્લેયર્સ બોક્સ ક્રિકેટ નું ઉદ્ઘાટન પાટણના પનોતા પુત્ર અને ગુજરાત પ્રદેશ ભારતીય જનતા પાર્ટીના પૂર્વ મહામંત્રી અને ભારતીય જનતા પાર્ટી સદસ્યતા અભિયાન 2024 ના પ્રદેશ સયોજક કે.સી.પટેલના વરદ હસ્તે રવિવારે કરવામાં આવ્યું હતું.

પ્લેયર્સ બોક્સ ક્રિકેટ ના ઉદ્ઘાટન પ્રસંગે ઉપસ્થિત રહેલા કે.સી.પટેલે પોતાના યુવાનીના અને કોલેજ કાળના સમયે જે રીતે ક્રિકેટના મેદાનમાં ક્રિકેટ રમીને ચોગ્ગા છગ્ગા લગાવ્યા હતા તે રીતે તેઓએ આ ગ્રાઉન્ડ પર ક્રિકેટની મજા માણી પોતાના કોલેજ કાળ અને યુવાનીના દિવસોને વાગોળી આજના યુવા ક્રિકેટ ખેલાડીઓને શુભેચ્છા પાઠવી હતી. સાથે સાથે પ્લેયર્સ બોક્સ ક્રિકેટ ના ઓર્ગેનાઈઝરોને પણ ક્રિકેટ રસીકો માટે તૈયાર કરાયેલ પ્લેયર્સ બોક્સના નિર્માણની શુભેચ્છા વ્યક્ત કરી હતી.

અહેવાલ યશપાલ સ્વામી