કમોસમી વરસાદ માં ઇંટોના વ્યવસાયને થયેલ નુકશાનનું સર્વે કરી વળતર ચુકવવા માગ ઉઠી..

પાટણ સંસદના પીએ ચિંતન પ્રજાપતિ અને ભાજપ બક્ષીપંચ મોરચાના મહામંત્રી ગોવિંદ પ્રજાપતિ દ્વારા રજૂઆત કરાય..

પાટણ તા. 20
પાટણ શહેર સહિત સમગ્ર જિલ્લામાં શનિવારે પડેલા કમોસમી વરસાદના કારણે પાટણ પંથક ના ખેડૂતોને તો નુકશાન થયુ જ છે સાથે સાથે પાટણ પંથકમાં માટીની ઇંટોના વ્યવસાય સાથે સંકળાયેલા પ્રજાપતિ સમાજના અનેક પરીવારોને પણ ભારે આર્થિક નુકશાન વેઠવું પડ્યું છે.માટીની કાચી તૈયાર કરેલ ઇંટો કમોસમી વરસાદ થવાથી ધોવાઇ ગયેલ છે જેના કારણે પ્રજાપતિ પરિવારને ભારે નુકશાન થયુ છે. ઈંટોનો વ્યવસાય કરતા પરીવારો આ વ્યવસાયથી જ પરીવારનું ગુજરાન ચલાવતા હોય છે

તેમજ સમાજિક પ્રસંગો માટે પણ મુખ્ય વ્યવસાય ઇટવાડો છે. ત્યારે ઇટવાડાના વ્યવસાય સાથે સંકળાયેલા પ્રજાપતિ પરીવારોને થયેલ નુકશાનનો સર્વે કરી આર્થિક સહાય ચુકવવામાં આવે તેવી માંગ સાથે પાટણ સાંસદ ભરતસિંહ ડાભી ના પીએ ચિંતનભાઈ પ્રજાપતિ અને પાટણ તાલુકા ભાજપ બક્ષીપંચ મોરચાના મહામંત્રી ગોવિંદભાઈ પ્રજાપતિ દ્વારા ગુજરાતના મુખ્યમંત્રી સહિત જિલ્લા પ્રશાસનને પત્ર લખી રજૂઆત કરવામાં આવ્યો હોવાનું જાણવા મળ્યું છે.