શ્રી સરસ્વતી માધ્યમિક વિદ્યાલય, પાટણ ખાતે ફાયર સેફ્ટી નિદર્શન યોજાયું..

પાટણ તા. 20
વિદ્યાભારતી ગુજરાત પ્રદેશ સલગ્ન ભારતીય સંસ્કાર નિકેતન સંચાલિત શ્રીમતી ગીતાબેન રાકેશકુમાર શાહ વિદ્યાસંકુલ,શ્રી સરસ્વતી માધ્યમિક વિદ્યાલય શિશુમંદિર ખાતે ફાયર સેફ્ટી નિદર્શન યોજવામાં આવ્યું હતું.જેમાં વિદ્યાલયના પ્રધાન આચાર્ય સચિન ગુરુજીએ વિદ્યાર્થીઓને આગના પ્રકારો, આગ લાગવાના કારણો અને આગ ઓલવવા માટેના વિવિધ ઉપકરણોની સઘન માહિતી આપી હતી. તેમજ વિદ્યાલયની ફાયર સેફટી સિસ્ટમનો ઉપયોગ કરવાની રીત પણ સમજાવી હતી.આ પ્રસંગે વિદ્યાલયના વિદ્યાર્થીઓ દ્વારા ફાયર સેફ્ટી બોટલ વડે જાતે આગ ઓલવી નિદર્શન કર્યું.