પાટણ દેશી લોહાણા મહાજન દ્વારા શ્રી દરિયા લાલ મહારાજની જન્મ જયંતી પર્વની ઉજવણી કરાઈ..

સમાજની સીતારામ મહિલા મંડળ દ્વારા સુંદરકાંડ અને આનંદના ગરબાનું આયોજન કરાયું..

પાટણ તા. 24
પાટણ દેશી લોહાણા મહાજન દ્વારા પરમ પૂજ્ય દરિયાલાલ દાદાની જન્મ જયંતી પર્વની ભક્તિ સભર માહોલમાં શહેરના કડવા પાટીદાર સમાજની વાડી ખાતે ઉજવણી કરવામાં આવી હતી.આ ધાર્મિક પ્રસંગને અનુલક્ષીને સીતારામ મહિલા મંડળ દ્વારા સુંદરકાંડ, આનંદ ના ગરબા સહિતના ધાર્મિક ઉત્સવ ઉજવવામાં આવ્યા હતા.

તો આ પ્રસંગે પાટણ દેશી લોહાણા મહાજન ની જનરલ સભા અને દાતા પરિવારનો સન્માન કાર્યક્રમ પણ આયોજિત કરવામાં આવ્યો હતો.આ પ્રસંગે મોટી સંખ્યામાં પાટણ લોહાણા મહાજન પરિવારે ઉપસ્થિત રહી શ્રી દરિયાલાલ દાદાના જન્મ જયંતી પ્રસંગની ઉજવણીના સહભાગી બની દર્શન પ્રસાદ નો લાભ લઇ ધન્યતા અનુભવી હતી.