હવે આધારને પેન સાથે લિંક કરવા માટે 4 દિવસ બાકી છે. જો તમારું પેન આધાર સાથે લિંક નથી, તો તમારે ઘણી નાણાકીય સેવાઓ મેળવવામાં મુશ્કેલીઓનો સામનો કરવો પડી શકે છે.
આધાર-પાન લિંકિંગ (Aadhaar-Pan Linking) ની પ્રથમ સમયમર્યાદાને ઘણો સમય વીતી ગયો છે. તેના માટેની પ્રથમ સમયમર્યાદા 31 માર્ચ 2022 હતી. તેને વધારીને 30 જૂન 2022 કરવામાં આવી હતી અને 500 રૂપિયાનો દંડ પણ ફટકારવામાં આવ્યો હતો. સરકારે ફરી એકવાર તેની છેલ્લી તારીખ લંબાવીને 31 માર્ચ, 2023 કરી છે. આ વખતે દંડ વધારીને 1000 રૂપિયા કરવામાં આવ્યો છે. હવે આધારને પેન સાથે લિંક કરવા માટે 4 દિવસ બાકી છે. જો તમારું પેન આધાર સાથે લિંક નથી, તો તમારે ઘણી નાણાકીય સેવાઓ મેળવવામાં મુશ્કેલીઓનો સામનો કરવો પડી શકે છે.
જો તમે પેનને આધાર સાથે લિંક નહીં કરો, તો આવકવેરા વિભાગના જણાવ્યા મુજબ તમારું પેન કાર્ડ રદ કરવામાં આવશે. પેન નિષ્ક્રિય કરવાનો અર્થ એ છે કે તમારી પાસે બેંકમાં 50,000 રૂપિયાથી વધુનો કોઈપણ વ્યવહાર કરવા માટે માન્ય પેન કાર્ડ નહીં હોય અને તમે ટ્રાન્ઝેક્શન કરી શકશો નહીં. આટલું જ નહીં, આવા બીજા ઘણા નાણાકીય કામો છે જે પેન કાર્ડની મદદ વગર થઈ શકતા નથી.
ક્યા કામો નહીં થઈ શકે
પેન કાર્ડ ઉપલબ્ધ ન હોવાને કારણે તમારા માટે ITR ફાઇલ કરવું મુશ્કેલ બનશે. શક્ય છે કે આવકવેરા વિભાગ દ્વારા તમારું ITR અમાન્ય જાહેર કરવામાં આવે. આ સિવાય તમને ઘણી સબસિડીવાળી સરકારી યોજનાઓનો લાભ લેવામાં પણ મુશ્કેલીનો સામનો કરવો પડી શકે છે. પાસપોર્ટ માટે અરજી કરવી અથવા બેંક ખાતું ખોલાવવું એ કપરું કામ હોઈ શકે છે. ઉપરાંત, પેન વિના DDS અથવા TCS કપાતના કિસ્સામાં, તમારે વધુ ટેક્સ ચૂકવવો પડશે.
કેવી રીતે આધારને પેન સાથે લિંક કરવું
• સૌથી પહેલાં ઈનકમ ટેક્સની વેબસાઈટ પર જાવો
• આધાર કાર્ડની ડિટેલ ત્યાં દાખલ કરો
• હવે કેપ્ચા કોડને દાખલ કરો
• તેના પછી લિંક આધાર પર ક્લિક કરો
• આટલું કરતા જ તમારું આધાર પેન સાથે લિંક થઈ જશે
• યાદ રાખો કે, તેના માટે તમારે 1,000 રૂપિયા ચુકવવા પડશે