બાલીસણા પોલીસ સ્ટેશનના કર્મચારીઓએ વૃદ્ધોને આઈસ્ક્રીમ ખવડાવી આશીર્વાદ મેળવ્યા..
પાટણ તા.18
તાજેતરમાં જિલ્લા પોલીસ અધિક્ષક પાટણ ની કચેરીએ રાખવામાં આવેલ ક્રાઇમ કોન્ફરન્સ માં જિલ્લા પોલીસ વડા વિજય પટેલ દ્વારા મળેલ સુચના અનુસાર તેમજ નાયબ પોલીસ અધિક્ષક કે.કે.પંડયા સિધ્ધપુર વિભાગના ઓએ બાલીસણા પો.સ્ટે ની લીધેલ સરપ્રાઇઝ વીઝીટ દરમ્યાન આપેલ સુચના અન્વયે બાલીસણા પોલીસે સંડેર ગામમાં આવેલ વૃધ્ધાશ્રમની મુલાકાત લીધેલ હતી.
આ વૃધ્ધાશ્રમ માં હાલમાં ૫ મહીલા તથા ૧૯ પુરૂષ મળી કુલ ૨૪ જણ આશ્રય લઇ રહેલ હોય તેઓ તમામની સાથે તથા વૃધ્ધાશ્રમના સંચાલકો સાથે મીટીંગ કરી વ્યક્તિ ગત પુછ પરછ કરી ખબર અંતર પુછવા માં આવેલ અને તમામ વડિલો ને આઇસ્ક્રીમ આપવામાં આવેલ તેમજ કોઇપણ પ્રકારનુ કામકાજ હોય તો બાલીસણા પોલીસ નો સંપર્ક કરવા સુચના આપી મોબાઇલ નંબર તેમજ બાલીસણા પો.સ્ટેશનનો નંબર આપવામાં આવેલ છે.
બાલીસણા પોલીસની સંડેર વૃદ્ધાશ્રમની મુલાકાત ને લઇ વૃદ્ધો પણ અભિભૂત બની બાલીસણા પોલીસ સ્ટાફના તમામ જવાનોને આશીર્વાદ પાઠવ્યા હતા.
