પાટણ સ્વામી નારાયણ મહિલા મંડળ દ્વારા આયોજિત સુંદરકાડ પાઠ નું હરિભક્તો સહિત ધર્મપ્રેમીઓએ શ્રવણ કયુઁ.
પાટણ તા. 7
પાટણની પવિત્ર ભૂમિ ઉપર આવેલ પદ્મનાભ ચાર રસ્તા નજીક કાલુપુર સ્વામી નારાયણ સંપ્રદાય સંચાલિત આકાર પામનાર નવ્ય-ભવ્ય શ્રી સ્વામી નારાયણ મંદિર પરિસરની જગ્યા ઉપર હનુમાન જયંતિ ના પવિત્ર દિવસે શ્રી સ્વામી નારાયણ મહિલા મંડળ પાટણ દ્રારા અશ્વિનભાઈ ઠકકર ના સુમધુર કંઠે ભકિત સંગીત ના સથવારે રામચરિત માનસ સુંદરકાડ પાઠ નું આયોજન કરવામાં આવ્યું હતું.
શ્રી સ્વામી નારાયણ મંદિર ના નવનિમૉણ પૂર્વે મહિલા મંડળ દ્વારા આયોજિત કરવામાં આવેલ સુંદરકાડ પાઠ નું રસપાન કરવા મોટી સંખ્યામાં સ્વામી નારાયણ સંપ્રદાય ના હરિ ભક્તો અને મહિલા મંડળ ની બહેનો સહિત પાટણ ની ધર્મપ્રેમી જનતાએ ઉપસ્થિત રહી આ ધાર્મિક કાર્યક્રમ મા સહ ભાગી બની ભગવાન શ્રી રામ ભક્ત હનુમાનજી મહારાજ અને ભગવાન સ્વામી નારાયણ ના આશિર્વાદ મેળવી ધન્યતા અનુભવી હતી.
પાટણ સ્વામી નારાયણ મહિલા મંડળ દ્વારા આયોજિત આ પ્રસંગને સફળ બનાવવા સૌ સ્વામી નારાયણ ના હરિ ભક્તો સહિત મહિલા મંડળ ની બહેનોએ જહેમત ઉઠાવી હતી.
