પાટણ તા. 12
પાટણ ખાતેની ઓલ ઇન્ડિયા ઇન્સ્ટિટ્યૂટ ઓફ લોકલ સેલ્ફ ગવેર્નમેન્ટ ની સેનેટરી ઇન્સ્પેક્ટર અને ફાયરમેન ટ્રેનિંગ કોર્સ કોલેજમાં કરતાં વિધાર્થી માટે રેડક્રોસ દ્વારા રક્તદાન કેમ્પ યોજવામાં આવ્યો હતો. જેમાં સંસ્થા ના વિદ્યાર્થીઓ અને સ્ટાફ દ્વારા સ્વેચ્છાએ પોતાનું રક્તદાન કરવામાં આવેલ.
રેડક્રોસ સંસ્થાના ર્ડો ઉદયભાઈ પટેલ, ર્ડો ડી. જી. પટેલ અને તેમની ટીમ દ્વારા કેમ્પનું સફળ આયોજન કરવામાં આવ્યું હતું. સંસ્થા ના ઉપપ્રમુખ મનસુખ ભાઇ પટેલ અને વિભાગીય નિયામક ર્ડો. વિરલ શાહે વિદ્યાર્થીઓ ને બ્લડ ડોનેટ કરવા માટે પ્રોત્સાહિત કર્યા હતા. આ બ્લડ ડોનેશન કેમ્પના આયોજન સફળ બનાવવા સંસ્થાના કર્મચારીઓ પંકજભાઈ, હિતેષભાઇ, કૃણાલભાઈ અને ટીમે જહેમત ઉઠાવી હતી.
રેડક્રોસ સંસ્થા અને ર્ડો મોહનભાઇ પટેલ બ્લડબેંક તરફથી ર્ડો ઉદયભાઈ પટેલે સમગ્ર પાટણ વાસીઓને સમયાંતરે રક્તદાન કરવા અનુરોધ કર્યો હતો.
