અલગ અલગ માર્ગો પર ટીમ દ્વારા કલાકે કલાકે કેટલા વાહનો પસાર થાય છે તેની નોંધ કરાય..
પાટણ તા.22
પાટણ માર્ગ મકાન વિભાગ દ્વારા શહેરના સિદ્ધપુર ચાર રસ્તા પર ટ્રાફિક ઇન્ફર્મેશન સિસ્ટમ અંતર્ગત ટ્રાફિકનો સર્વે હાથ ધરવા 14 લોકોની ટીમ ને કામે લગાડવામાં આવી છે જે ટીમો દ્વારા સવારે 9:00 વાગ્યાથી રાત્રે 8:00 વાગ્યા સુધી કેટલા વાહનો માગૅ પરથી પસાર થાય છે તેની નોંધ કરી રહ્યા છે.
પાટણ શહેર સહિત જિલ્લામાં વાહનો વધી રહ્યા છે ત્યારે પાટણ શહેરના સિદ્ધપુર ચાર રસ્તા પર ટ્રાફિક ઇન્ફર્મેશન સિસ્ટમ અંતર્ગત શહેર માંથી કેટલા વાહનો પસાર થાય છે, કેટલા વાહનો શહેરમાં પ્રવેશે છે જેનું સર્વે માર્ગ મકાન વિભાગ દ્વારા 14 જુદી જુદી ટીમો બનાવી શનિવારથી શરૂ કરવામાં આવ્યો છે.
આ ટીમમાં સવારે 9:00 થી 12 અને બપોરે 12:00 થી રાત્રે 8 એમ બે પાળી માં કેટલા વાહનો માર્ગ પરથી પસાર થઈ રહ્યા છે તેની નોંધ કરી ટ્રાફિક અંગેની જાણકારી મેળવી રહ્યા છે.14 લોકોની ટીમ સવારે 9:00 થી 8:00 વાગ્યા સુધી માં માર્ગ પરથી કેટલા વાહનો પસાર થઈ રહ્યા છે તેની કલાક વાઇઝ નોંધણી કરી રહ્યા છે.
માર્ગમકાન ના અધિકારી નિલેશ પટેલે જણાવ્યું હતું કે આ પેટર્ન સર્વે કરાવાઈ રહ્યો છે. ટ્રાફિક ક્યાં થઈ રહ્યો છે તે માટે પેટર્ન સર્વે કરેલો હોય તો ભવિષ્યમાં કોઈ પ્લાનિંગ કરવાના થાય તો કામ લાગે એ માટે સર્વે કરાવાઈ રહ્યો હોવાનું તેઓએ જણાવ્યું હતું.
