સ્વર્ગસ્થ દલપતરામ ભાયચંદજી ઠક્કરની પ્રથમ માસિક પૂણ્ય તિથી નિમિત્તે નિ:શુલ્ક કેમ્પ યોજાયો..

વિલાજ પાર્ટી પ્લોટ ખાતે અમદાવાદના ખ્યાતનામ તબીબો દ્વારા 300 દર્દીઓને તપાસવામાં આવ્યા..

પાટણ તા. 30
પાટણ લોહાણા સમાજના સેવાભાવી અગ્રણી અને દેહદાન ના દાતા સ્વર્ગસ્થ દલપતરામ ભાયચંદજી ઠક્કર ની તારીખ 30 એપ્રિલના રોજ પ્રથમ માસિક પુણ્યતિથિ નિમિત્તે તેઓ ના પરિવારજનો અને વિલાજ ગ્રુપદ્વારા ત્રિશા મલ્ટી સ્પેશિયાલિસ્ટ હોસ્પિટલ અમદાવાદના તબીબોના સહયોગથી શહેરના ટેલીફોન એક્સચેન્જ રોડ પર આવેલ વિલાજ પાર્ટી પ્લોટ ખાતે ઘૂંટણ થાપા સહિતના રોગો માટે નિ: શુલ્ક નિદાન કેમ્પનું આયોજન કરવામાં આવ્યું હતું.

પાટણના વિલાજ પાર્ટી પ્લોટ ખાતે અમદાવાદ ના જાણીતા ડોક્ટર અલ્પેશ એમ. પટેલ એમ. એસ. ઓર્થો જેવો ને 20 વર્ષનો બહોળો અનુભવ છે તેઓ અને તેમની ટીમ દ્વારા હાડકા,ઘૂંટણ અને આંખના દર્દીઓની સાથે સાથે અન્ય રોગો ના દર્દીઓનું નિશુલ્ક નિદાન કરવામાં આવ્યું હતું.

આ કેમ્પમાં સ્વ.દલપતરામ ભાઇચંદજી ઠક્કર પરિવારના જગદીશભાઈ ઠક્કર, લાલેશભાઈ ઠક્કર અને વિપુલભાઈ ઠક્કર દ્વારા દરેક દર્દી ઓને એક્સ -રે અને જરૂરી સારવાર મળે તેવી વ્યવસ્થા કરાઈ હતી.

આ નિશુલ્ક કેમ્પ સવારે 9:00 થી બપોરના 12 કલાક સુધી વિલાજ પાર્ટી પ્લોટ ખાતે યોજાયો હતો જેનો 300 ઉપરાંત જુદા જુદા રોગો ના દર્દીઓએ પોતાના રોગનું નિદાન કરાવ્યું હતું.