સમી તાલુકાના અમરાપુર ગામના નિરાશ્રીત ઠાકોર યુવાન ની હત્યા ના પગલે લગ્ન ની ખુશી માતમ છવાયો..
બનાવના પગલે કોઈ અનિચ્છનીય ઘટના ન ઘટે તે માટે પોલીસે બંદોબસ્ત ગોઠવી કાર્યવાહી હાથ ધરી…
પાટણ તા. 6
રાધનપુર હાઇવે પર આવેલા ઈસ્કોન શોપિંગ સેન્ટરમાં શનિવારે લગ્ન ની ખરીદી કરવા ગયેલા નિરાશ્રિત ઠાકોર સમાજના વરરાજા ને ધોળા દિવસે જ તેમના જ સમાજના કેટલાક લોકો એ અગમ્ય કારણોસર મોતને ધાટ ઉતારી દેવાની ઘટના સજૉતા સનસનાટી મચી જવા પામી હતી. તો બનાવને પગલે કોઈ અનિચ્છનીય ધટના ન ધટે તે માટે રાધનપુર પોલીસે ધટના સ્થળે દોડી આવી લાશ નું પંચનામું કરી પીએમ માટે ખસેડી આગળની કાર્યવાહી હાથ ધરી હોવાનું જાણવા મળ્યું છે.
આ બાબતે મળતી હકીકત મુજબ સમી તાલુકાના અમરાપુર ગામે રહેતા નિરાશ્રિત ઠાકોર વિપુલ અમરસિંહ ભાઈ ઉ. વ.19 કે જેવોના રવિવારના રોજ લગ્ન હોય શનિવારે તેઓ રાધનપુર ખાતે હાઈવે પર આવેલ ઇસ્કોન શોપિંગ મોલમાં લગ્નની ખરીદી કરવા માટે ગયા હતા ત્યારે તેમના સમાજના કેટલાક લોકોએ કોઈ કારણોસર તેની સાથે માથાકૂટ કરી ધોળા દિવસે જ જાહેરમાં તેની હત્યા કરી ફરાર થઈ ગયા હતા ઇસ્કોન શોપિંગ મોલમાં સર્જાયેલી ઘટનાના પગલે લોકોમાં અફરા તફરી મચી જવા પામી હતી.
અને આ ઘટનાની જાણ રાધનપુર પોલીસને કરાતા પોલીસે ઘટના સ્થળે દોડી આવી કોઈ અનિચ્છનીય ઘટના ન ઘટે તે માટે પોલીસ બંદોબસ્ત ગોઠવી લાશનું પંચનામું કરી પી એમ માટે ખસેડી હત્યા કરી ફરાર થયેલા નિરાશ્રીત ઠાકોર સમાજના કેટલાક લોકોની સામે કાયદેસરની કાર્યવાહી હાથ ધરી હોવાનું જાણવા મળ્યું છે સમી તાલુકા ના અમરાપુર ગામના નિરાશ્રીત ઠાકોર સમાજના યુવાન વિપુલની હત્યાના પગલે લગ્ન ની ખુશી માતમમાં ફેરવાતા પરિવારમાં શોક ની કાલી મા છવાઈ જવા પામી હતી.
