ગૌશાળા મા આશ્રય લઈ રહેલ ગૌમાતા ને ગોળ ખવરાવી આશિર્વાદ પ્રાપ્ત કયૉ..
પાટણ તા. 10
ભારતીય રાષ્ટ્રીય મહિલા આયોગના પૂવૅ સદસ્યા ડો. રાજુલ બેન દેસાઈ એ પોતાના જન્મ દિવસની વિવિધ સેવાકીય,સામાજિક અને જીવદયા ની પ્રવૃત્તિ સાથે ઉજવણી કરી હતી.ડો. રાજુલ બેન દેસાઈ એ પોતાના જન્મ દિન પ્રસંગે પાટણ સમીપ આવેલ અનાવાડા ની શ્રી હરિ ઓમ ગૌશાળા ખાતે કપિલા મૈયાનું પૂજન કરી, બીમાર ગાયોને ગોળ ખવડાવી ગૌ મૈયાના આશિર્વાદ મેળવી ધન્યતા અનુભવી હતી.
શ્રી હરિ ઓમ ગૌશાળા ખાતે આયોજિત આ જીવદયા ની પ્રવૃતિમાં ભારતીય જનતા પાર્ટી ના આગેવાનો, કાર્યકરો સહિત પાટણના પ્રબુધ્ધ નગરજનોએ ઉપસ્થિત રહી ડો.રાજુલ બેન દેસાઈ ને જન્મ દિનની શુભેચ્છાઓ પાઠવી તેઓ દ્રારા કરાયેલ સેવા પ્રવૃતિ ને બિરદાવી હતી. તો શ્રી હરિ ઓમ ગૌશાળા ના સંચાલક દિનેશભાઈ જોષી સહિત ના સેવકો દ્રારા ડો. રાજુલ બેન દેસાઈ નો આભાર વ્યક્ત કરવામાં આવ્યો હતો.
