પાટણ તા. 10
પાટણ ની હેમચંદ્રાચાર્ય ઉત્તર ગુજરાત યુનિવર્સિટી માં પરીક્ષા દરમ્યાન ખેલાડીઓ આંતરરાષ્ટ્રીય અને રાષ્ટ્રીય સ્પર્ધામાં ભાગ લેશે તો તેમનું પ્રોરેટા પદ્ધતિથી પરિણામ જાહેર કરાશે તેવું યુનિવર્સિટી ની કારોબારી દ્રારા નિણૅય કરાયો હોવાનું જાણવા મળ્યું છે.પાટણ ની હેમચંદ્રાચાર્ય ઉત્તર ગુજરાત યુનિવર્સિટી દ્વારા ખેલાડીઓ પરીક્ષાઓની ચિંતાથી મુકત બની રમત ગમત ક્ષેત્રે સિદ્ધિઓ હાંસલ કરે તે માટે ખેલાડીઓને પ્રોત્સાહન રૂપે પરીક્ષાઓ દરમિયાન રાષ્ટ્રીય અને આંતરરાષ્ટ્રીય કક્ષાની સ્પર્ધામાં ભાગ લેવા જનાર ખેલાડીઓનું પરીક્ષાનું પરિણામ પ્રોરેટા પદ્ધતિથી જાહેર કરવા યુનિવર્સિટી ની કારોબારી દ્રારા નિર્ણય લેવામાં આવ્યો છે.
યુનિવર્સિટી દ્વારા પરીક્ષા દરમિયાન આંતરરાષ્ટ્રીય કક્ષાએ ભાગ લેનાર ખેલાડીની સંપૂર્ણ પરીક્ષાનું પરિણામ તેમજ રાષ્ટ્રીય કક્ષાની સ્પર્ધામાં ભાગ લેનાર ખેલાડીનુ 3 વિષય સુધીનું પરિણામ પ્રોરેટા પદ્ધતિથી જાહેર કરવા યુનિવર્સિટી ની કારોબારી એ નિણૅય કર્યો હોવાનું યુનિવર્સિટી ના શારીરિક નિયામક અને યુનિવર્સિટી ના કા.રજિસ્ટાર ડૉ.ચિરાગ પટેલે જણાવ્યું હતું.
