ભગવાન શ્રી જગન્નાથ જી ની 141 મી રથ યાત્રા ને લઈને દાન ભેટ અને ફાળો એક ત્રિત કરવાનો પ્રારંભ કરાયો..

રથયાત્રા માટે ફાળો એકત્રિત કરવાની સેવાકીય પ્રવૃત્તિને પાટણના સૌ વેપારી ઓનો સાડી રહ્યો છે સુંદર સહયોગ..

પાટણ તા. 19
આગામી 20 જૂન ના રોજ અષાઢી બીજ ના પવિત્ર દિવસે ગુજરાતના બીજા નંબરની અને ભારતભરમાં ત્રીજા નંબરની પાટણ જગન્નાથ ભગવાનની 141મી રથયાત્રા નીકળ નાર હોય જેને લઈને શ્રી જગન્નાથ મંદિર ટ્રસ્ટ પરિવાર દ્વારા અત્યાર થી જ રથયાત્રાની સફળતા માટે મંદિર પરિસર ખાતે તડામાર તૈયારીઓ આરંભી દેવામાં આવી છે.

ભગવાન જગન્નાથજીની પાટણ શહેરમાંથી અષાઢી બીજના પવિત્ર દિવસે નીકળનારી ભવ્યાતિ ભવ્ય 141મી રથ યાત્રા ના દર્શનાર્થે પધારતા દર્શનાર્થી ઓ માટે મંદિર ટ્રસ્ટ દ્વારા પ્રસાદની સુવિધાઓ પૂરી પાડવા અને ભગવાન જગન્નાથજી રથયાત્રા માં સમગ્ર જગન્નાથ ભક્તોસહભાગી બને તેવા શુભ સંકલ્પ સાથે શુક્રવારને શનિ જયંતિના પવિત્ર દિવસથી શ્રી જગન્નાથ મંદિર ટ્રસ્ટ પરિવાર દ્વારા સ્વૈચ્છિક લોક ફાળો, દાન દક્ષિણા અને ભગવાન જગન્નાથજી ની રથયાત્રા દરમિયાન વિતરણ કરાતી ચણા મગની પ્રસાદ ના દાતા માટે ભગવાન જગન્નાથજી ના મંદિર પરિસર ખાતે થી પ્રારંભ કર્યો હતો.

સમગ્ર ભારત ભરની ત્રીજા નંબરની અને ગુજરાતના બીજા નંબરની ગણાતી એવી પાટણ જગન્નાથ ભગવાનની 141મી રથયાત્રા ને સફળ બનાવવા ટ્રસ્ટી મંડળ દ્વારા આજથી પ્રારંભ કરાયેલ ફાળો એકત્રિત કરવાની આ સેવા પ્રવૃત્તિમાં પાટણના નાના-મોટા સૌ વેપારીઓ એ યથાશક્તિ પોતાનો ફાળો અર્પણ કરી ધન્યતા અનુભવી હતી.ફાળો એકત્રિત કરવા નીકળેલા ભગવાન જગન્નાથ મંદિર ટ્રસ્ટના મેનેજિંગ ટ્રસ્ટી પિયુષભાઈ આચાર્યએ જણાવ્યું હતું કે પાટણની ધર્મપ્રેમી જનતા દ્વારા દર વર્ષની જેમ ચાલુ વર્ષે પણ ભગવાન જગન્નાથજી ની રથયાત્રા માં સહભાગી બનવા માટે શહેરના નાના-મોટા તમામ વેપારીઓ તન મન અને ધનથી સહયોગ આપી રહ્યા છે.

સહયોગ આપનાર દાતાઓને શ્રી જગન્નાથ મંદિર ટ્રસ્ટની પાકી પહોંચ પણ આપવામાં આવી રહી હોવાનું તેઓએ જણાવ્યું હતું . તો પાટણ જુના ગંજ અનાજ બજાર એસો સિએશન ના પ્રમુખ મહાસુખભાઈ મોદીએ જગન્નાથ મંદિર ટ્રસ્ટ ને એસોસિએશન તરફ થી દર વર્ષની જેમ ચાલુ વર્ષે પણ યથા શક્તિ દાન નોંધાવી પાટણના તમામ નાના-મોટા વેપારીઓને ભગવાન શ્રી જગન્નાથજી ની રથયાત્રાના આયોજનમાં સહભાગી બનવા તન મન અને ધનથી સહયોગ આપવા અપીલ કરી હતી.