પુત્રી ની સામે જ પિતાએ અંતિમ શ્વાસ લેતા ગમગીની છવાઈ..
પોલીસે ઘટના સ્થળે દોડી આવી લાશનું પંચનામુ કરી પીએમ અર્થે મોકલી આગળની તપાસ હાથ ધરી..
પાટણ તા. 8
ધીણોજ થી ટ્રેક્ટર લઈ મહેસાણા જઈ રહેલા ટ્રેક્ટર ચાલક ને પાછળ આવી રહેલી નિરમા કંપનીની લક્ઝરી બસે જોરદાર ટક્કર મારતા ટ્રેક્ટર ચાલકનુંપોતાની દિકરી ની નજર સમક્ષ જ ઘટના સ્થળે જ મોત નીપજ્યું હોવાની ઘટના ગુરૂવારે સવારે બનતા પોલીસે ધટના સ્થળે દોડી આવી આગળ ની કાયૅવાહી હાથ ધરી હોવાનું જાણવા મળ્યું છે.
બનાવની મળતી હકીકત મુજબ ગુરૂવારે સવારે ધીણોજ ગામના પટેલ ભરતભાઈ હરગોવિંદભાઈ ઉંમર વર્ષ 45 પોતાના ટ્રેક્ટર માં પોતાની દીકરી ને લઇ મહેસાણા તરફથી જઈ હતા ત્યારે ટ્રેક્ટરની પાછળ પૂર ઝડપે અને ગફલત રીતે નિરમા કંપનીની લક્ઝરી ચલાવી આવી રહેલા ચાલકે ધડાકા પોતાની લક્ઝરી ટ્રેક્ટર સાથે અથડાવતા ટ્રેક્ટર ચાલક ભરતભાઈ અને તેમની દીકરી ફંગોળાઈને રોડ પર પટકાયા હતા.
જેમાં ભરતભાઈ ને ગંભીર ઈજાઓ થતા દીકરીની સામે જ પિતાએ ઘટના સ્થળે પોતાના અંતિમ શ્વાસ લેતા ગમગીની છવાઈ જવા પામી હતી.
બનાવની જાણ પોલીસને થતા પોલીસે ઘટના દોડી આવી લાશનુ પંચનામુ કરી લાશને પીએમ માટે લણવા આરોગ્ય કેન્દ્ર ખાતે ખસેડવામાં આવી હતી. જ્યારે ઈજાગ્રસ્ત પુત્રીને સામાન્ય ઈજાઓ થઈ હોય તેણીને ધીણોજ પ્રાથમિક આરોગ્ય કેન્દ્ર ખાતે સારવાર માટે ખસેડવામાં આવી હતી.આ ગમખ્વાર અકસ્માતની વધુ તપાસ પોલીસે હાથ ધરી છે.
અહેવાલ યશપાલ સ્વામી
