રથયાત્રા ને લઇ મંદિર પરિસર ખાતે ભજન ભક્તિ નો જલસો કરાયો..
પાટણ તા.15
ભગવાન જગન્નાથજી ની રથયાત્રાને લઈ જગન્નાથ ભક્તોમાં અનેરો ઉત્સાહ ઉમંગ જોવા મળી રહ્યો છે. તો જગન્નાથ મંદિર ટ્રસ્ટ દ્વારા પણ ભગવાન જગન્નાથજી ની રથયાત્રા ને લઇ મંદિર પરિસર ખાતે વિવિધ ધાર્મિક ઉત્સવોનું પણ આયોજન કરવામાં આવ્યું છે.
બુધવારે રાત્રે શ્રી જગન્નાથ મંદિર પરિસર ખાતે પાટણના જાણીતા કલાકાર રાકેશભાઈ સ્વામી અને તેમના કલાવૃદ દ્રારા ભગવાન જગન્નાથ ના ગુણગાન ગાતા ભજન ભક્તિ નો કાર્યક્રમ યોજવામાં આવ્યો હતો જેમાં મહિલાઓએ મગ્ન બની પરિસર ખાતે રાસ ગરબા ની રમઝટ બોલાવી પ્રસંગને દિપાવ્યો હતો.
આ પ્રસંગે જગન્નાથ રથયાત્રા સમિતિના કન્વીનર અને મંદિર ટ્રસ્ટના મેનેજિંગ ટ્રસ્ટી પિયુષભાઈ આચાર્ય સહિત સમગ્ર ટ્રસ્ટીગણ અને જગન્નાથ ભક્તોએ જહેમત ઉઠાવી હતી..
અહેવાલ યશપાલ સ્વામી
